काठमाडौँबाट काँकडभिट्टातर्फ जाँदै गरेको ना५ख ४१६३ नं को यात्रुबाहक बसले बिहान ८ बजे बेनिघाट बजारमा सडक किनारमा हिँडिरहेको २८ वर्षीया लक्ष्मी गुरुङलाई ठक्कर दिँदा उनको घटनास्थलमै मृत्यु भएको इलाका प्रहरी कार्यालय गजुरीका प्रहरी निरीक्षक हेमन्त भण्डारीले बताउनुभयो ।

घटनापछि बजारवासीले राजमार्ग अवरुद्ध गरेका थिए । प्रहरी, बजारवासी, पीडित पक्षसमेतको छलफलपछि क्षतिपूर्ति दिने सहमतिमा डेढ घन्टापछि राजमार्ग खुलेको प्रहरीले जनाएको छ ।