बुधबार, मंसिर १७ २०७७
काठमाडौं ००:३३
वासिङटन डिसी 13:48

विषादी जडीबुटी खाँदा दम्पतीको मृत्यु

इनेप्लिज २०७१ चैत ९ गते ५:३५ मा प्रकाशित

पोखरा, ९ चैत । विषादी जडीबुटी निरमसी झार पुवामा पकाई खाँदा पोखरा उपमहानगरपालिका–२७ हेम्जाका एक दम्पतीको आइतबार राति मृत्यु भएको छ ।

सो वडाका ६२ वर्षीय बलबहादुर केसी र ५७ वर्षीया श्रीमती लक्ष्मी केसीले निरमसी जडीबुटी खाएपछि सख्त बिरामी परेका र नयाँबजारस्थित चरक मेमोरियल अस्पतालमा उपचार गर्दागर्दै मृत्यु भएको जिल्ला प्रहरी कार्यालय कास्कीले जनाएको छ ।

केही दिनपहिले शरीर दुखेको भनेपछि बलबहादुरलाई आफना एक छिमेकी महिलाले उक्त जडीबुटी ल्याइदिएकी र सो जडीबुटी खाने बित्तिकै दुवैजना बिरामी परेको बताइएको छ । मृतक दम्पतीका तीनवटै छोराछोरी अमेरिकामा बस्दै आएका छन् । प्रहरीले यस सम्बन्धमा थप अनुसन्धान गरिरहेको छ ।

प्रतिक्रिया