मंगलबार, मंसिर ९ २०७७
काठमाडौं ०९:३५
वासिङटन डिसी 22:50

रकम पठाउने ठाउँमा नै भिजिटिङ कार्डका नाममा ठगी

इनेप्लिज २०७१ चैत ५ गते ११:३१ मा प्रकाशित

चरीकोट, ५ चैत । सदरमुकाम चरिकोटस्थित आइएमई सेन्टरमा आफ्नै भिजिटिङ कार्डका नाममा ठगी हुने गरेको पाइएको छ ।

खाडीका मरुभूमिमा पसिना बगाएर पठाएको रकम झिक्न आउने ग्राहकसँग भिजिटिङ कार्ड भिडाएर जबरजस्ती पैसा लिइरहेको ग्राहकले गुनासो गरेका छन् ।

व्यापारिक प्रयोजनका लागि गरिने प्रवद्र्धनात्मक सूचना सम्बन्धित प्रकाशन, प्रसारण गर्ने निकायलाई उसले निर्धारण गरेको दर अनुसार भुक्तानी दिएर विज्ञापन गर्ने गरिन्छ ।

आइएमई सेन्टरमा पुग्ने जो कोही ग्राहकसँग तपाईलाई यहाँको फोन राखिएको छ, फोन गर्नु भन्दै आफ्नै भिजिटिङ कार्ड दिएर रु पाँचदेखि २० सम्म असुल्ने गरिएको छ ।

ग्राहकसँग फोटोकपी गर्नेभन्दै सक्कली नागरिकता लिने र त्यसैभित्र भिजिटिङ कार्डसमेत राखेर रकम असुल्ने गरेको डाँडाखर्क गाविसका एक ग्राहकले बताउनुभयो ।

जति पटक त्यहाँ गयो त्यत्तिनै पटक भिजिटिङ कार्ड दिने गरेको उहाँले बताउनुभयो । चरिकोटमा भीमेश्वर नगरपालिका–२ का राजेश श्रेष्ठले आइएमई सेन्टर सञ्चालन गर्दै आएका छन् ।

उहाँले एउटै सेन्टरमा पायल कोल्ड स्टोरबाट प्रभु, वेस्टर्न युनियनसहित २१ वटा बिप्रेषन कम्पनीबाट कारोबार गर्ने गर्नुभएको छ । बिप्रेषन कारोबार सञ्चलन गर्ने पायल कोल्डस्टोरका सञ्चालक राजेश श्रेष्ठले हरेक पटक ग्राहकले भिजिटिङ कार्ड हराएको भन्ने गरेको हुँदा पैसा लिने गरेको बताउनुभयो ।

उहाँले दैनिक २०० भन्दा बढी भिजिटिङ कार्ड बिक्रीबाट लामो समयदेखि ठगी गरिहेका छन् ।

लामो समयदेखि बजारमा सर्वसाधारणसँग ठगी गरेता पनि बजार अनुगमन जिम्मा पाएको जिल्ला प्रशासन कार्यालय अनविज्ञ छ । प्रमुख जिल्ला अधिकारी प्रेमलाल लामिछानेले यसबारे आफूलाई पहिलो पटक जानकारी आएको बताउनुभयो ।

दशैँतिहार बाहेकको अन्य समयमा स्थानीय प्रशासनले बजार अनुगमन गरेको पाइदैन ।

प्रतिक्रिया