शुक्रबार, कार्तिक ७ २०७७
काठमाडौं ०६:००
वासिङटन डिसी 20:15

एसिड पिडित संगितालाई दानबिर रक्तदाता अर्जुन मैनालीको सहयोग

इनेप्लिज २०७१ फागुन १६ गते ३:५३ मा प्रकाशित
Arjun Mainali
पुरुषोत्तम ढकाल, लसएन्जलस । न्यूयोर्कमा बसोबास गर्दै आएका दानबिर रक्तदाता अर्जुन मैनालीले एसिड प्रहारबाट घाइते किशोरी संगिता पुलामी मगरलाई नेपाली रुपिया २० हजार आर्थिक सहयोग गरेका छन् ।
प्रवाशका नेपालीहरुलाई रक्तदानको अभियानमा जोड्दै आएका अर्जुन मैनालीले उपचार र पर्ढाई खर्चबापत २० हजार सहयोग गरेका हुन् । मैनाली प्रवाशका नेपालीहरुमाझ रक्तदाता र दिन दुखीको सहयोगीका रुपमा परिचित रहँदै आएका छन् । रक्तदानका अभियन्ता मैनालीले गत आइतबारको घटनामा पीडित मध्यकी संगिता पुलामी मगरको आर्थिक अवस्था कमजोर भएकाले सहयोग गरेको बताएका छन् ।
संगिताको हाल सिनामंगलस्थित काठमाडौं मेडिकल कलेजमा उपचार भइरहेको छ । सोहि घटनामा रौतहत मुलघर भई भीमसेनस्थान बस्ने १५ वर्षीया सीमा बस्नेत समेत घाइते भएकी थिइन् ।
यसैबीच रक्तदाता एवं दिन दुखीका सहयोगी मैनालीले हद्धयघातबाट मृत्यु भएका पत्रकार सञ्जीव घिमिरेका बच्चाहरुको लालनपालनकालागी समेत नेपाली रुपिया १० हजार रुपैयाँ सहयोग गरेका छन् । स्मरण रहोस दानबिर रक्तदाता अर्जुन मैनालीले डायस्पोराको नेपालीलाई रक्तदान अभियान चलाउनुको अतिरिक्त आफ्नो नियमित आम्दानीबाटै मातृभूमि नेपालका सयौं दिन दुखिलाई आर्थिक सहयोग पुर्याउदै आएका छन् ।

प्रतिक्रिया