आर्थिक पूर्वाधार समितिको आजको बैठकले विदेशी लगानी नीति र एकद्वार नीति, २०४९ लाई प्रतिस्थापन गर्दै नयाँ नीति पारित गरेको हो ।

विदेशी लगानी सहज रुपमा भित्र्याउन पुराना नीति प्रतिस्थापन गरिएको बताउँदै उद्योग मन्त्री महेश बस्नेतले औद्योगिक विकासमा योगदान गर्न पारित नयाँ नीति सहयोगी हुने विश्वास व्यक्त गर्नुभयो ।

नयाँ वैदेशिक नीति पारित भएपछि सञ्चारकर्मीहरूसँग सङ्क्षिप्त कुरा गर्दै उहाँले विशेष आर्थिक क्षेत्रप्रति विदेशी लगानीकर्ता तथा स्वदेशी उद्यमीलाई आकर्षित गर्न नयाँ नीति ल्याइएको स्पष्ट गर्नुभयो ।

दुई दशक पुराना नीतिमा सामयिक सुधारको खाँचो औँल्याउँदै उद्यमी व्यवसायीले परिवर्तित समयअनुसार वैदेशिक लगानी नीति जारी गर्न सरकारसँग माग गर्दै आएका थिए ।