बिहीबार, कार्तिक ६ २०७७
काठमाडौं ००:४८
वासिङटन डिसी 15:03

लागुऔषधसहित दुई पक्राउ

इनेप्लिज २०७१ फागुन १५ गते ५:०३ मा प्रकाशित

tyabe n mundreलहान, १५ फागुन । सिरहाको लहान नगरपालिका–३ मा प्रहरीले लागुऔषध लुकाएर ल्याउने क्रममा दुईजनालाई यहाँ पक्राउ गरेको छ ।

पक्राउ पर्नेमा उदयपुरको त्रियुगा नगरपालिका–३ स्थायी घर भई मोरङको विराटनगर उपमहानगरपालिका–१२ बस्ने विशाल साहकी श्रीमती १९ वर्षीया सिमरनदेवी साह र भाइ १८ वर्षीय राजकुमार साह रहेको इलाका प्रहरी कार्यालयका प्रहरी नायब उपरीक्षक ज्ञानेन्द्रप्रसाद फुँयालले जानकारी दिनुभयो ।

लहान नगरपालिका–३ स्थित अस्पताल चोकमा रहेको प्रहरी चेकिङ टोलीको आँखा छलेर दक्षिणतिरबाट पैदल आउँदै गरेका देवरभाउजूलाई शङ्का लागेर शरीर खानतलासी गर्दा प्रतिबन्धित लागुऔषध भेटिएको हो ।

प्रहरीले देवरभाउजूले शरीरमा लुकाएर ल्याएको डाइजिल्याब ४० एम्पुल, फेनार्गन ४० एम्पुल, लुपिजेसिक ४० एम्पुल र फोर्टविन ४० एम्पुल बरामद गरेको प्रहरी उपरीक्षक फुँयालले बताउनुभयो । पक्राउ परेका दुवै जनालाई हिरासतमा राखेर अनुसन्धान भइरहेको प्रहरीले जनाएको छ ।

प्रतिक्रिया