दुर्घटनामा एकको मृत्यु

इनेप्लिज २०७१ फागुन १० गते १४:५५ मा प्रकाशित

accidentचितवन, १० फागुन । भरतपुर उपमहानगरपालिका –१० स्थित बाइपासरोडको आँखा अस्पताल अगाडि आज दिउँसो ट्याक्टर र मोटरसाइकल एकआपसमा ठोक्किँदा एक जनाको मृत्यु भएको छ ।

दुर्घटनामा परी मोटरसाइकल चालक शक्तिखोर गाविस–७ का २२ वर्षीय राजन श्रेष्ठको मृत्यु भएको प्रहरीले जनाएको छ ।

भरतपुरको मालपोत चोकबाट आँखा अस्पतालतर्फ जाँदै गरेकोे ना२२प ३०४६ नम्बरको मोटरसाइकल र विपरीत दिशाबाट आउँदै गरेको ना३त ७२०७ नम्बरको ट्याक्टर एकआपसमा ठक्कर खाँदा सो दुर्घटना भएको हो ।

दुर्घटनामा गम्भीर घाइते भएका श्रेष्ठको उपचारका क्रममा कलेज अफ मेडिकल साइन्सेस शिक्षण अस्पताल भरतपुरमा मृत्यु भएको जिल्ला प्रहरी कार्यालय चितवनले जानकारी दिएको छ ।

ठक्कर दिने ट्याक्टर र चालक भरतपुर उपमहानगरपालिका– १० का लिलबहादुर गुरुङ प्रहरीको नियन्त्रणमा रहेका छन् ।

प्रतिक्रिया