शुक्रबार, कार्तिक ७ २०७७
काठमाडौं ०५:४६
वासिङटन डिसी 20:01

काठसहित दुईजना पक्राउ

इनेप्लिज २०७१ फागुन ८ गते ५:२८ मा प्रकाशित

VishwaNews_kath taskari pakrau fffवीरगन्ज (पर्सा), ८ फागुन । पर्सा जिल्लाको पटेर्वा सुगौली—९ बाट गएराति इलाका वन कार्यालय रङ्गपुरको गस्ती टोलीले तीनवटा साइकलमा लोड रहेको सालको काठसहित दुईजनालाई पक्राउ गरेको छ ।

पक्राउ पर्नेमा सोनवर्षा गाविस भतौडा गाउँ निवासी जयनारायण नुनियाँ र प्यारेलाल नुनिँया रहेका छन् । राष्ट्रिय वनबाट काठ कटान गरी अवैध रुपमा ल्याइरहेको अवस्थामा इलाका वन कार्यालय रङ्गपुरका जम्दार मित्रदेव चौधरीको नेतृत्वमा रहेको वन गस्ती टोलीले पक्राउ गरेको हो ।

उनीहरुलाई आवश्यक कारबाहीका लागि इलाका वन कार्यालय रङ्गपुरमा राखिएको छ । पर्साको राष्ट्रिय जङ्गल फँडानी बढेपछि पछिल्ला दिनमा वन गस्ती टोलीले पनि जङ्गल फँडानीविरुद्ध अभियान चलाएको जिल्ला वन कार्यालयले जनाएको छ ।

प्रतिक्रिया