उनीहरुलाई जनअधिकार संरक्षण मञ्च (पिपिआर) को पहलमा विद्यालयको पोसाकसहित स्टेसनरी सामग्रीसमेत प्रदान गरिएको मञ्चकी जिल्ला संयोजक कृष्णप्यारी नकर्मीले जानकारी दिनुभयो ।

छात्रवृत्ति पाउने पीडित परिवारका चार बालबालिकामध्ये दुई काभ्रेपलाञ्चोकको ज्याम्दी गाविसका, एक जैसीथोक गाविसका र एक काभ्रे गाविसका छन् । उनीहरुलाई स्थानीय सामुदायिक विद्यालयमा अध्यापन गराइएको छ ।

“बालबालिकाको पहुँच विद्यालयसम्म पु¥याउन अहिले एक वर्षका लागि मात्रै यस्तो छात्रवृत्ति दिएका हौं,” जनअधिकार संरक्षण मञ्चकी जिल्ला संयोजक नकर्मीले भन्नुभयो । उहाँले एसिया फाउन्डेसन र युएसएडको सहयोगमा शिक्षाका लागि तत्काल रु तीन हजारदेखि पाँच हजारसम्म लगानी भएकोे बताउनुभयो ।

काभ्रेपलाञ्चोकको ज्याम्दी, जैसीथोक र काभ्रेलगायतका गाविसमा स्थानीय बासिन्दाले जीविकोपार्जनका लागि मिर्गौला बेचबिखन गर्दै आएका छन् । केही वर्षअघि ‘बैंक अफ किड्नी’ भनेर देश–विदेशमा प्रचारमा ल्याइएको काभ्रेपलाञ्चोकमा २० वर्ष अघिदेखि मिर्गौला बेचबिखन हुँदैआएको बताइन्छ ।

जिल्लास्थित गैरसरकारी संस्था जनअधिकार संरक्षण मञ्च (पिपिआर)ले गरेको प्रारम्भिक अनुगमनमा काभे्रका ३०० जनाले मिर्गौला बेचिसकेको देखिएको छ ।