भद्रपुर–७ स्थित ३० वर्षीय रीतादेवी मण्डलको घर नजिकै रहेको मेची नदीमा तैरिरहेको अवस्थामा शव फेला परेको वडा प्रहरी कार्यालय भद्रपुरले जनाएको छ ।

मङ्गलबार बिहान बटुवाले खबर गरेपछि प्रहरी टोली घटनास्थल पुगेको हो । मृतकका श्रीमान् पञ्चकोरी मण्डलले दिएको जानकारीअनुसार शनिबारदेखि श्रीमतीको मानसिक अवस्थामा केही परिवर्तन आएको थियो । सोमबार मध्य रात उनी एक्कासि घरबाट बाहिरिएका थिए । मृतकका श्रीमान् शुक्रबारमात्रै वैदेशिक रोजगारीबाट फर्किएका हुन् । मृतकका एक छोरा र एक छोरी छन् ।