शुक्रबार, कार्तिक ७ २०७७
काठमाडौं ०६:०६
वासिङटन डिसी 20:21

विकासमा सहयोग पुग्ने समाचारलाई उपयुक्त स्थान दिनुपर्छ: मन्त्री खड्का

इनेप्लिज २०७१ माघ २३ गते १५:३३ मा प्रकाशित

Narayan-Khadkaललितपुर, २३ माघ । राजनीतिक समाचारलाई भन्दा विकासमा सहयोग पुग्ने समाचारलाई सञ्चारमाध्यमले उपयुक्त स्थान दिनुपर्ने सहरी विकास मन्त्री नारायण खड्काले बताउनुभएको छ ।

आज यहाँ फोहोरमैला व्यवस्थापन प्राविधिक सहयोग केन्द्र र विकास पत्रकार मञ्चले संयुक्त रुपमा आयोजना गरेको फोहोरमैला व्यवस्थापनमा सञ्चारकर्मीको भुमिका विषयक कार्यक्रममा मन्त्री खड्काले अहिले फोहोरमैला व्यवस्थापन गर्नु मुख्य चुनौती रहेको भन्दै यस्ता समाचारलाई स्थान दिनुपर्नेमा जोड दिनुभयो ।

कार्यक्रममा सूचना आयोगका प्रमुख आयुक्त कृष्णहरि बाँस्कोटाले फोहोर व्यवस्थापन राम्रोसँग गर्नका लागि घरघरमा नै कुहिने र नकुहिने फोहोरलाई व्यवस्थापन गर्न सुरु गर्नुपर्ने धारणा राख्नुभयो ।

केन्द्रका अध्यक्ष डा सुमित्रा अमात्यले जैविक वस्तुको प्रयोग गर्नका लागि मानिसहरु अग्रसर रहनुपर्ने भन्दै अस्पतालबाट निस्केका हानिकारक र विद्युतीय फोहोरमैला व्यवस्थापन गर्नु अबको चुनौती रहेको उल्लेख गर्नु भयो ।

प्रतिक्रिया