भेटमा नेपाल थाइल्यान्डबीचको कूटनीतिक, आर्थिक र व्यापारिक सम्बन्धका साथै शान्ति र स्थायित्वका बारेमा कुराकानी भएको थियो ।

सो अवसरमा प्रधानमन्त्री कोइरालाले जननायक बिपी कोइरालाको सरकारको पालामा आरम्भ भएको दुई देशको कूटनीतिक सम्बन्ध सुमधुर रहेको बताउनुभएको थियो ।

उहाँले बुद्ध धर्माबलम्बीहरु अधिक रहेको थाइल्यान्ड र गौतमबुद्धको जन्मभूमि नेपाललाई बुद्ध दर्शनले समेत नजिक ल्याएको चर्चा गर्नु भयो । उहाँले गत वर्ष म्यानमारमा सम्पन्न बिमस्टेक बैठकले सदस्य मुुलुकहरुका बीचमा सडक, रेल र हवाई सम्पर्कका माध्यमबाट नागरिकको आवागमनलाई सहज पार्ने सम्बन्धमा भएको सहमतिको पनि स्मरण गर्नुभएको थियो ।

बिदाइ भेटका अवसरमा राजदूत श्रीमती उनाकुलले आफ्नो नेपाल बसाइ सुखद् रहेको बताउनुभयो । उहाँले आफ्नो कार्यकालमा नेपाल–थाइल्यान्ड संयुक्त समितिको मिटिङ हुनु, जनकपुरमा शवदाह स्थलको निर्माण, लुम्बिनी क्षेत्रका आँखा शिविर सञ्चालन र शैक्षिक संस्थाहरुका थाइल्यान्ड कर्नरको स्थापनाजस्ता कार्य भएको उल्लेख गर्नुभयो ।