उद्यमशीलता विकास तालिमको आज समापन गर्दै उहाँले भन्नुभयो, “ आर्थिक, सामाजिक रुपान्तरणबिना राजनीतिक क्रान्ति सम्भव छैन । वर्तमान समाजको क्रान्ति भनेको व्यापक रुपमा रोजगारी र उद्यमशीलता हो ।”

मन्त्री बस्नेतले नेपाली समाजमा औद्योगिक चेतनाको कमी रहेको उल्लेख गर्दै वर्तमान शिक्षा प्रणाली उद्योगी र उद्यमी उत्पादनभन्दा कारिन्दा उत्पादन गर्ने दिशातर्फ उन्मुख रहेको विचार व्यक्त गर्नुभयो ।

फरक प्रसङ्गमा मन्त्री बस्नेतले संविधानसभामा दलबीच देखिएको विवाद जनताको चाहना र आवश्यकता विपरीत भएको टिप्पणी गर्दै जनचाहनालाई लत्याएर आन्दोलनमा जाने राजनीतिक शक्ति समयको बहावसँगै समाप्त हुने दाबी गर्नुभयो ।

साना किसान विकास बैंकका अध्यक्ष खेम पाठक, औद्योगिक व्यवस्थापन विकास प्रतिष्ठानका कार्यकारी निर्देशक लक्ष्मणप्रसाद भट्टराईले यस्ता तालिमले उद्यमशीलता विकास र व्यवस्थापनमा प्रभावकारी भूमिका खेल्ने बताउनुभयो ।

प्रतिष्ठानको कार्यालय त्रिपुरेश्वरमा गत १३ देखि २२ गतेसम्म चलेको तालिममा २२ जनाको सहभागिता थियो ।

सहभागीमध्ये सविता विडारी र शङ्कर सिलवालले व्यवसाय योजना तयार गरी कार्यथलोमा उद्यमशीलता विकासमा लाग्ने प्रतिबद्धता जनाउनुभयो ।