गत २०५८ कात्तिक २१ गते दुई युवतीलाई फकाइफुल्याइ भारतको वेश्यालयमा बेच्ने उद्देश्यले दार्जिलिङ लगिरहेका अवस्थामा भारतीय प्रहरीले शङ्का गरी सोधपुछ गर्दा नजरमान घलेसमेतका प्रतिवादीहरु फरार भएका थिए भने युवतीहरुलाई भारतीय प्रहरीले माइती नेपाललाई बुझाएको थियो ।

पीडित युवतीको जाहेरीपछि प्रहरीले प्रतिवादी नजरमान लामासमेत भएको जीउ मास्ने बेच्ने मुद्दामा विशेष अदालतले पाँच वर्ष कैद हुने ठहर गरेको थियो ।

तिनै फरार लामालाई प्रहरीको केन्द्रीय अनुसन्धान व्युरोले आज सुन्दरीजल–६, बाट पक्राउ गरी काठमाडौँ जिल्ला अदालतमा पेस गरेको प्रहरीद्वारा जारी विज्ञप्तिमा जनाइएको छ ।