बाह्र किलो सुनसहित पक्राउ

काठमाडौँ, २१ माघ । त्रिभुवन अन्तर्राष्ट्रिय विमानस्थल भन्सार कार्यालयले अवैध रुपमा ल्याइएको १२ किलो सुनसहित एक युवकलाई आज पक्राउ गरेको छ ।

कतार एयरवेजबाट संयुक्त अरब इमिरेटस्को दुबई हुँदै कतारको दोहाबाट आएका झापा गारामुनी–३ का बोधराज पौडेललाई उक्त परिमाणको सुनसहित भन्सार कार्यालयले पक्राउ गरेको हो ।

उक्त कार्यालयका अधिकृत योगेन्द्र ओझाका अनुसार अभियुक्तलाई महानगरीय प्रहरी बृत्त गौशालामा राखिएको छ ।

बरामद गरिएको उक्त सुनको प्रचलित मूल्य करिब रु तीन करोड ८१ लाख रहेको छ ।