काठमाडौँ, १९ माघ । नेपाल आयल निगमले पेट्रोलियम पदार्थको मूल्यमा कटौती गरेको छ ।

निगम सञ्चालक समितिको आज बसेको बैठकले पेट्रोलमा प्रतिलि दुई रुपैयाँ ५० पैसा तथा डिजेल र मट्टितेलमा एक रुपैयाँ ५० पैसा मूल्य घटाएको हो । मूल्य समायोजनपछि पेट्रोलको रु एक सय नौ र डिजेल र मट्टितेलको ८६ रुपैयाँ ५० पैसा प्रतिलि पर्नेछ ।

नयाँ मूल्य आजै राति १२ बजेदेखि लागू हुने निगमले जनाएको छ । इन्डियन आयल कर्पोरेसनबाट आएको नयाँ मूल्यसूचीअनुसार मूल्य समायोजन गरिएको निगमले जनाएको छ ।