तुलसीपुर (दाङ), १९ माघ । नेपाली काँग्रेसका वरिष्ठ नेता शेरबहादुर देउवाले सबैको सहमतिमा संविधान जारी गर्न विपक्षी दलहरु छलफलमा आउनुपर्ने बताउनुभएको छ ।

प्रेस युनियन दाङले आज नारायणपुरमा आयोजना गरेको पत्रकार सम्मेलनमा वरिष्ठ नेता देउवाले भन्नुभयो, “संविधान दिनका लागि आफूहरुको  पहिलो प्राथमिकता विपक्षी  दलसँग सहमति गर्ने यदि नआए प्रक्रियामा जानुको विकल्प छैन ।”

जनतालाई  संविधान चाहिएकाले विपक्षी दलले घोषणा गरेको आन्दोलनमा कसैले साथ नदिने उहाँको दाबी थियो ।

नेता देउवाले आजै महतवा समाज दाङले नारायणपुरमा आयोजना गरेको माघी महोत्सवको उद्घाटन गर्नुभयो । महोत्सवमा थारु संस्कृति झल्कने नृत्य, झाँकी प्रस्तुत गरिएको थियो ।