त्रिणविन्दु

आकार शुन्य हुनु,
धारो थोपा बन्नु
पाथी दियोमा बदलिनु
लहरा मुण्टा मै सीमित हुन
आखिर त्रिणबिन्दु कै रुप हैन र ।।

हिमाल खिइदै जानु,
पहाड होचिंदै जानु
सिमाना खुम्चिंदै जानु
बृक्षले पोथ्राको रुप लिनु
आखिर त्रिणबिन्दु कै रुप हैन र ।।

आदर्श पलायन हुंदैजानु,
विश्वास गिर्दै जानु,
बाचा तोडिदै जानु,
घमण्ड बढ्दै जानु
आखिर त्रिणबिन्दु कै रुप हैन र ।।

खगोल विश्रृंखलित हुनु,
तारा झर्न थाल्नु
शमुद्री स्वभाव बदलिनु,
वायु गतिहीन हुनु
आखिर त्रिणबिन्दु कै रुप हैन र ।।

सिङ्गोलाई टुक्र्याउनु
टुक्र्याउने नै चिराचिरा हुनु
म्याराथुनमा कछुवा चाल लिनु
पराजयको नियति हुनु
आखिर त्रिणबिन्दु कै रुप हैन र ।।

पलायनता चुलिंदै जानु,
देश खाली हुंदै जानु,
नेपालित्व भुलिंदै जानु,
सरल मनहरु थुरिंदै जानु
आखिर त्रिणबिन्दु कै रुप हैन र ।।