बिहीबार, कार्तिक १३ २०७७
काठमाडौं १९:३९
वासिङटन डिसी 09:54

बालिका बलात्कारीलाई २० वर्ष कैद

इनेप्लिज २०७१ माघ १३ गते १५:५० मा प्रकाशित

balatkarइलाम, १३ माघ । बालिकालाई जबर्जस्ती करणी गरेको आरोपमा पक्राउ परेका चिसापानीका एक युवकलाई आज जिल्ला अदालत इलामले २० वर्ष कैद सजाय सुनाएको छ ।

जिल्ला न्यायाधीश प्रकाश ढुङ्गानाको इजलासले चिसापानी–५ का जङ्गे भनिने बुद्धकुमार सेञ्चुरीलाई मुलुकी ऐन जबर्जस्ती महलको १ र २ नं बमोजिम कसुर गरेको ठहर गर्दै सोही महलको ३ ९२० बमोजिम १० वर्ष कैद र मुलुकी ऐन हाडानाता करणीसम्बन्धी १ बमोजिम थप १० वर्ष कैद सजाय सुनाएको हो ।

यसैगरी पीडितलाई रु २० हजार क्षतिपूर्ति भराइदिनेसमेत फैसला सुनाइएको छ । सेञ्चुरीले आफ्नै नाता पर्ने बालिकालाई जबर्जस्ती करणी गरेको भन्दै गत जेठ १० गते जिल्ला प्रहरी कार्यालय इलाममा किटानी जाहेरी परेको थियो ।

यसैबीच विद्युत् उपभोक्ताबाट महसुल उठाएर ठगी आरोपमा पक्राउ परेका चिसापानी–७ का टङ्कमणि लुइँटेललाई जिल्ला अदालतले छ महिना कैद र रु एक लाख ४८ हजार ८८५ जरिवानासहितको फैसला सुनाएको छ ।

प्रतिवादी राम कार्कीलगायत उपभोक्ताका तर्फबाट माग दाबी भएबमोजिम लुइँटेललाई मुलुकी ऐन ठगी महलको १ र २ नं बमोजिम कसुर पुष्टि गरेकाले कैद र जरिवानासहितको फैसला सुनाइएको अदालतका तहसिलदार अर्जुन श्रेष्ठले जानकारी दिनुभयो ।

नेपाल विद्युत् प्राधिकरण इलाममा मिटर रिडरका रुपमा कार्यरत लुइँटेलले उपभोक्ताबाट महसुल लिए पनि प्राधिकरणमा नतिर्ने गरेको पाइएकाले प्रहरीले एक महिनाअघि पक्राउ गरी ठगी मुद्दा दायर गरेको थियो ।

प्रतिक्रिया