ह्युस्टन, टेक्सास | अन्तर्राष्ट्रिय नेपाली साहित्य समाज (अनेसास) ह्युस्टन च्याप्टरलको आयोजनामा बसन्त पन्चमीको सुअवसर पारेर हुस्टन टेक्सासमा सरस्वती माताको पूजा सम्पन्न गरियो | कार्यक्रममा अनेसास द्वारा संचालित बाल बिकास पाठशालाका विद्यार्थी, अभिभावक र साहित्यप्रेमी महानुभाब हरुको बाक्लो उपस्थिति रहेको थियो | सो कार्यक्रको सभापतित्व समाजका संस्थापक अध्य्क्ष श्रीमती गंगा लिगलले गर्नु भएको थियो|

अनेसास ह्युस्टन च्याप्टरले टेक्सास राज्यको हुस्टन बासी नेपाली बालबालिकाहरुलाई नेपाली भाषा पठनपाठन गराउने उद्येश्यले २ बर्ष अगाडी बाल बिकास पाठशालाको स्थापना गरेको थियो| नेपाली भाषा कक्षा र नेपाली पर्बहरुमा गरिने कार्यक्रमहरुले विदेशमा रहेका नेपाली भाबी सन्ततिहरु माँझ नेपाली मन र पन को ब्यबहारिक भावना विकास गर्न महत्वपूर्ण योगदान पुर्याउने बासु पौडेलले बताउनु भयो| यस कर्यक्रममा श्री कमल मणी पन्थीले सरस्वती पुजाको महत्वको बारेमा प्रकाश पार्नु भएको थियो भने ज्योति कृष्ण श्रेष्ठले शुभकामना मन्तब्य दिनुभएको थियो । कार्यक्रममा उषा पंथी र सतिश त्रिपाठीले कविता तथा गजल बाचन गर्नु भएको थियो |

बाल विकाश पाठशालाका बिद्यार्थीहरुको सरस्वती बन्धनाबाट शुरु भएको कार्यक्रमको सन्चालन बासु पौडेलले गरेका थिए| कार्यक्रमको अन्त्यमा अध्यक्ष गंगा लिगलले नेपाली भाषा साहित्य तथा संस्कृतिको संरक्षण गर्न प्रबासी नेपालिहारुको पनि महत्वपुर्ण भूमिका रहेको मन्तब्य दिनु हुदै कार्यक्रम बिसर्जन गरिएको थियो | कार्यक्रममा सहभागीहरुलाई सरस्वती पूजाको प्रसादले बिदाई गरियो|