शनिबार, कार्तिक १५ २०७७
काठमाडौं २३:१६
वासिङटन डिसी 13:31

संविधानसभा बैठक ढिलाइ, एमाले समीक्षामा

इनेप्लिज २०७१ माघ ६ गते ९:०८ मा प्रकाशित

काठमाडौँ, ६ माघ । गए राति तोडफोडको घटनापछि स्थगित भएको संविधानसभाको आजका लागि तोकिएको बैठकका लागि शीर्ष नेता र सभासद् संविधानसभा भवन नयाँ बानेश्वरमा उपस्थित भए पनि बैठक २ बजेसम्म सुरु हुन सकेको छैन । बैठक १ बजेका लागि तोकिएको थियो ।

अहिले नयाँ बानेश्वरमा प्रधानमन्त्री सुशील कोइरालासहित विभिन्न पार्टीका शीर्ष नेता र सभासद् आपसी र आन्तरिक छलफलमा जुट्नुभएको छ । गए राति सभाध्यक्ष सुवास नेम्वाङले संविधानका अन्तर्वस्तुमा प्रश्नावली समिति गठनको प्रस्तावको कार्य अघि बढाएपछि एमाओवादी र मधेसकेन्द्रित दलले रोस्ट्रम घेराउ गरी तोडफोड मच्चाएपछि बैठक स्थगन भएको थियो ।

यही क्रममा सोमबारको घटनाको समीक्षा गर्न अहिले संविधानसभा भवनमा एमाले स्थायी कमिटीको बैठक बसिरहेको छ एमाले अध्यक्ष केपी शर्मा ओली र उपाध्यक्ष विद्यादेवी भण्डारीलाई पनि प्रहार भएको घटनालाई एमालेले गम्भीर रुपमा लिई समीक्षा गर्न लागेको बुझिएको छ ।

प्रतिक्रिया