मंगलबार, कार्तिक ११ २०७७
काठमाडौं १२:२९
वासिङटन डिसी 02:44

पाँच नेपालीको जीवन रक्षाको माग

इनेप्लिज २०७१ माघ ५ गते ११:५७ मा प्रकाशित

काठमाडौँ, ५ माघ । अनौपचारिक क्षेत्र सेवा केन्द्र इन्सेकले इन्डोनेसियाली सरकारले आइतबार पाँच नेपालीसहित छ जनालाई मृत्युदण्ड दिने निर्णय गरिएकाले उनीहरुको जीवन रक्षाको लागि माग गरेको छ ।

बहर तामाङ, वीरबहादुर गुरुङ, इन्द्रबहादुर तामाङ, नरबहादुर तामाङ र तिलबहादुर भण्डारीलाई मत्युदण्डको सजाय सुनाइएको जनाउँदै इन्सेकका अध्यक्ष सुबोधराज प्याकुरेलले आफ्ना नागरिकको जीवन रक्षाका लागि यथाशीघ्र कूटनीतिक पहल गर्न सरकारसँग माग गर्नुभएको छ ।

सन् २०१३ भन्दाअघि इन्डोनेसियामा कुनै पनि अपराधमा मृत्युदण्ड दिने गरिएको थिएन । हाल आएर पुनः यस्तो दुःखद् अभ्यास सुरु गरिएकामा स्थानीय मानवअधिकार संस्थाहरुले पनि विरोध जनाउँदै आएका छन् ।

आइतबार आफ्ना नागरिकलाई मृत्युदण्ड दिएको घटनाको विरोधमा ब्राजिल र नेदरल्याण्डले आ–आफ्ना राजदूत फिर्ता बोलाइसकेको बताइएको छ ।

प्रतिक्रिया