अशुभ हुन्छ भन्छन

आकाशमा तारा खसे पछि
गौथली बसाई सरे पछि

अशुभ हुन्छ भन्छन

घरमा आगो सल्के पछि
छिमेकि चोर्न पल्के पछि

अशुभ हुन्छ भन्छन

मनमा पाप पसे पछि
बिश्वासमा सबै फसे पछि

अशुभ हुन्छ भन्छन

मान्छेमा लोभ पसे पछि
स्वार्थमा त्याग फसे पछि

अशुभ हुन्छ भन्छन

प्रेमको आस्था ढले पछि
जातपातका कुरा चले पछि

अशुभ हुन्छ भन्छन

अध्यारो दिन मै छाए पछि
रैतिले दुख पाए पछि

अशुभ हुन्छ भन्छन

आमाको शिर ढले पछि
खाडीमा चेली चले पछि

अशुभ हुन्छ भन्छन

अनिष्ट घरमा लागे पछि
बिदेशमा युवा भागे पछि

अशुभ हुन्छ भन्छन

नेताको वचन गिरे पछि
डाकाको दिन फिरे पछि

अशुभ हुन्छ भन्छन

आमाको शिर छले पछि
खाडीमा चेली चले पछि

कविता संग्रह ,राती फुल्ने फूलहरु बाट लिइएको