पोखरा, १७ असार २०८२

पोखराको एक प्रतिष्ठित शैक्षिक संस्था हिमाल कलेज अफ म्यानेजमेन्ट मा कक्षा ११ को भर्ना प्रक्रियाअन्तर्गत फारम वितरण उत्साहजनक रूपमा जारी रहेको छ। व्यवस्थापन (Management), होटल म्यानेजमेन्ट (Hotel Management), तथा कम्प्युटर साइन्स (Computer Science) जस्ता विषयहरूमा आफ्नो छुट्टै पहिचान बनाउँदै आएको यस कलेजमा विद्यार्थी र अभिभावकहरूको आकर्षण उल्लेख्य रूपमा बढिरहेको छ।

कलेजको शैक्षिक गुणस्तर, अभ्यासमुखी सिकाइ पद्धति र समर्पित शैक्षिक वातावरणले गर्दा हालसम्म सयौँ विद्यार्थी तथा अभिभावकहरू फारम भर्न कलेजमा उपस्थित भइसकेका छन्।

“पढाऔँ, सिकाऔँ र कमाऔँ” भन्ने व्यवहारिक शिक्षण दर्शनलाई आत्मसात गर्दै, हिमाल कलेजले विद्यार्थीहरूलाई “हेरौं, सिकौं र कमाऔँ” अभियानमार्फत व्यवसायिक सोच, नेतृत्व क्षमता, र उद्यमशीलता सिकाउँदै आएको छ।

उक्त अभियान विद्यार्थीहरूबाट नै सञ्चालित रहेकाले उनीहरूमा आत्मनिर्भरता र व्यवहारिक ज्ञानको विकास भइरहेको कलेज स्रोतले जनाएको छ।

भर्ना प्रक्रिया अझै जारी रहेको हुँदा कलेजले आगामी दिनहरूमा थप उत्साहजनक सहभागिता हुने अपेक्षा राखेको छ।