इरानको इस्लामिक रिभोलुसनरी गार्ड कोर्प्स आईआरजिसिले बिहीबार एक इजरायली गुप्तचर र कमान्ड सेन्टर(निर्देशन केन्द्र)लाई “अस्पताल नजिकै” निशाना बनाएको बताएको छ।

इरानको सरकारी समाचार निकाय (एजेन्सी )इर्नाले बिहीबार आइआरजीसिलाई उद्धृत गर्दै भन्यो, “यस कारबाहीमा (इजरायली) शासनको सेनाको कमान्ड र गुप्तचर केन्द्रलाई अस्पताल नजिकै उच्च सटीकताका साथ र सही निशानामा पारिएको थियो।”

विज्ञप्तिमा लक्षित कथित निर्देशन केन्द्र अस्पताल वा तिनीहरूको स्थानबारे भने खुलाइएको छैन। यसअघि, इजरायलले दक्षिणी सहर बेर्शेबामा रहेको सोरोका अस्पतालमा बिहीबार बिहान सीधा निशानामा परेको बताएको थियो।