रुसी राष्ट्रपति भ्लादिमिर पुटिनले शुक्रबार युक्रेनमा प्रहार गरेको ‘ओरेश्निक’ नामक आवाज भन्दा छिटो चल्ने (हाईपरसोनिक )प्राक्षेपिक क्षेप्यास्त्र (व्यालेसटिक मिसाइल) परीक्षण रुसले जारी राख्ने बताएका छन् ।

रुसको रक्षा मन्त्रालयको नेतृत्वसँगको दूरदर्शन (टेलिभिजन) बैठकमा पुटिनले क्षेप्यास्त्रलाई हवाई प्रतिरक्षाबाट रोक्न नसकिने दाबी गरे ।

सिएनएनका अनुसार रुसले नयाँ प्रणालीको क्रमिक उत्पादन सुरु गर्ने बताए।

“अहिले संसारमा यस्तो क्षेप्यास्त्रको प्रतिरोध गर्ने कुनै माध्यम छैन, यसलाई रोक्ने कुनै माध्यम छैन। र , म फेरि एक पटक जोड दिनेछु: हामी नवीनतम प्रणालीको परीक्षण जारी राख्नेछौं, “पुटिनले भने।

रूसले थप परीक्षणको लागि “धेरै समान प्रणालीहरू” विकास गरिरहेको छ, उनले भने । परीक्षणको नतिजाको आधारमा यी हतियारहरू पनि उत्पादनमा जानेछन्।

पुटिनको टिप्पणी रूसले युक्रेनको निप्रोपेट्रोभस्क क्षेत्रमा धेरै हतियारहरू समावेश गर्ने “ओरेश्निक” क्षेप्यास्त्र प्रहार गरेको एक दिन पछि आएको हो।