अमेरिकाको फ्लोरिडा राज्यमा परिवार बोकेको गाडीलाई मालबाहक रेलले ठक्कर दिँदा ५ जनाको मृत्यु भएको छ भने २ जना घाइते भएका छन् । प्रहरीका अनुसार उक्त सवारी साधन नजिकैको क्विन्सेनारामा जाँदै गरेको प्रहरी अधिकारीले बताए ।

शनिबार साँझ फ्लोरिडाको हिल्सबरो काउन्टीको सडक पार गर्ने ठाउँ (क्रसिङ)मा सात जना बोकेको सवारी साधनलाई मालबाहक रेलले ठक्कर दिँदा पाँच जनाको मृत्यु भएको हो ।

मृतकहरू तीन वयस्क र दुई बच्चाहरू परेका छन । सबै परिवारका सदस्यहरू रहेको अधिकारीहरूले भने। हिल्सबरो काउन्टी शेरिफ चाड क्रोनिस्टरले दुर्घटना अत्यन्तै भयानक भएको बताए । चालक र अगाडि यात्रुलाई बचाउन पुरै कोसिस गरिएको र दुवैलाई गम्भीर अवस्थामा सूचीबद्ध क्षेत्रीय अस्पतालमा लगिएको शेरिफको कार्यालयले जनाएको छ ।

ठक्कर दिए पछि अन्य पाँच यात्रुहरू गाडीबाट हिंस्रक रूपमा बाहिर निकालिएका थिए । मृत्यु हुनेहरुमा तीन महिला र दुई बच्चाहरु परेका छन् ।

दुर्घटना राजमार्ग ९५ र जिम लेफ्लर सर्कलको चौबाटो नजिक भएको थियो भनि एबिसीन्युजले जनाएको छ ।