अमेरिकाको फ्लोरिडा राज्यमा आएको समुन्द्री आँधी इडालियाबाट १५० जनाको उद्धार गरिएको छ । साथै रुख ढलेर १ जनाको मृत्यु भएको सिएनएनले जनाएको छ ।

एक अधिकारीका अनुसार इडालिया आँधी फ्लोरिडा हुँदै पास्को काउन्टीको बाढीग्रस्त इलाकाहरूबाट लगभग १५० बासिन्दाहरूलाई उद्धार गरिएको छ ।

पास्को काउन्टी फायर उद्धार प्रमुख टोनी पेरेजका अनुसार आपतकालीन सेवाहरूमा सूचना बुधबार बिहान ३:३० बजे बाट सुरु भएको बताए ।

“८५ उद्धार अभियानहरू पठाइयो, तर हामीले त्यस क्षेत्रबाट जम्मा १५० जना बासिन्दाहरूलाई बाहिर निकाल्न मद्दत गर्न सफल भयौं,” उनले सीएनएनलाई भने।

इडालियाको केन्द्र अब साउथ क्यारोलाइना हुँदै सर्दैछ । निरन्तर चल्ने हावा अलिकति घटेको छ भने अहिले ६५ माइल प्रतिघण्टामा झरेको छ।

साउथ क्यारोलिनाको तटमा २ देखि ५ फिटको पानी माथी उठाई रहेको छ। जर्जियाको लोन्डेस काउन्टीमा रुख ढल्दा एक व्यक्तिको मृत्यु भएको शेरिफले बताए ।

समुन्द्री आँधी पछि ज्याक्सनभिलमा सफाई सुरु भएको नगर प्रमुखले बताएका छन् । “भाग्यवश, यहाँ डुभाल (काउन्टी) मा, हामीले सबैभन्दा नराम्रो प्रभावबाट जोग्यौं,” ज्याक्सनभिलका नगर प्रमुख डोना डिगनले बुधबार पत्रकारहरुलाई भनिन ।

बिजुली बन्द ,ढालिएको बिजुली खम्बाहरू र ढालिएको रूखहरू चिन्ताको विषय बनेको छ, डिगनले भनिन । टोलीले ८५,००० ग्राहकमध्ये करिब ७५,००० लाई बिजुली पुर्याएको उनले बताइन ।