फ्लोरिडाको मायामीमा पूर्व राष्ट्रपति डोनाल्ड ट्रम्प संघीय अदालतमा मङ्गलबार हाजिर हुनु अघि ५ हजार देखि ५० हजार सम्मको भिड हुने अपेक्षा सहित सुरक्षाको कडा व्यवस्थापन गरिएको प्रहरी अधिकारीहरूले सोमबार एक पत्रकार सम्मेलनमा भने।

मायामीका प्रहरी प्रमुख म्यानुएल मोरालेसले भने, हामी “शान्ति र व्यवस्था” कायम राख्न र सुनिश्चित गर्नका लागि हाम्रा संघीय, राज्य र स्थानीय साझेदारहरूसँग धेरै नजिकबाट काम गरिरहेका छौ ।

मायामीका नगर प्रमुख फ्रान्सिस सुआरेजले कुनै पनि प्रदर्शनकारीहरूलाई शान्तिपूर्ण हुन प्रोत्साहित गरेका छन् । प्रहरी अधिकारीहरू अदालत बाहिर ठूलो भीडको लागि तयार भएका छन्।

ट्रम्प मायामीको संघीय अदालतमा मङ्गलबार दिउँसो उपस्थित हुनुअघि फ्लोरिडा पुगेका छन्। ट्रम्पले सोमबार राती फ्लोरिडाको डोरलस्थित गल्फ क्लबमा बिताउने छन ।

अमेरिकी सिनेट बहुमत नेता चक शुमरले पूर्व राष्ट्रपति डोनाल्ड ट्रम्पका समर्थक र आलोचक दुवैलाई “शान्ति कायम राख्न” आह्वान गरेका छन् ।

ट्रम्पलाई गोप्य कागजातहरू चलाएकोले अनुसन्धानमा संघीय आरोपमा अभियोग लगाइएको छ । अगस्त २०२२ मा ट्रम्पको मारा लागो आवासगृहमा वर्गीकृत चिन्हहरू सहित भएका १०० भन्दा बढी कागजातहरू फेला परेपछि अभियोग लगाइएको हो।

ट्रम्पलाई ३७ वटा मुद्दा लगाइएको थियो: राष्ट्रिय सुरक्षा जानकारीको जानाजानी राखेको ३१ वटा गणना; न्याय अवरुद्ध गर्ने षड्यन्त्रको एक गणना; कागजात वा विवरण (रेकर्ड) रोकेको एक गणना; कागजात वा अभिलेख (रेकर्ड )लुकाउने एक गणना; संघीय अनुसन्धानमा कागजात लुकाउने एक गणना; लुकाउन योजना को एक गणना; र गलत बयान तथा प्रतिनिधित्वको एक गणना रहेका थिए ।