युक्रेनी सेनाले उत्तरपूर्वी खार्किभ क्षेत्रमा प्रतिआक्रमणमा व्यापक लाभहरू हासिल गरेको र पुनः प्राप्त गरेको दाबि राष्ट्रपति भोलोडिमिर जेलेन्स्कीले सम्बोधनमा बताए ।

जेलेन्स्कीले युक्रेनी झण्डासँगै ६ महिनादेखि रुसी कब्जामा रहेको बालाक्लियाको प्रमुख खार्किभ शहरको एउटा भवनमाथि युक्रेनी सैनिकहरू उभिएको अङ्कियदृश्य (भिडियो )सामाजिक सञ्जालमा प्रकाशन गरेका छन्।

“आदेश पूरा भयो। रूसी पेशागत सेनाहरू फिर्ता भइसकेका छन्, “एक सैनिकले अङ्कियदृश्य (भिडियो)मा भनेका छन्।

युक्रेनी सेनाहरू खार्किभ क्षेत्रको कुप्यान्स्क शहरमा पनि पुगेका छन् । खार्किभबाट करिब ७० माइल (११२ किलोमिटर) पूर्वमा रहेको शहरलाई युक्रेनी सेनाले अझै पनि आफ्नो कब्जामा लिएका छैनन्।

गत बिहीबार रातीको सम्बोधनमा जेलेन्स्कीले दाबी गर्दै देशको सेनाले महिना देखि सुरु भए यता १,००० वर्ग किलोमिटर भन्दा बढी क्षेत्र फिर्ता लिएको बताए ।

युक्रेनको सशस्त्र बलका सहायक सैन्य अधिकारीको मुख्य कारवाई निर्देशनालयका उपप्रमुख ओलेक्सी ह्रोमोभले युक्रेनी सेनाले खार्किभ क्षेत्रमा ५० किलोमिटर (लगभग ३१ माइल) अगाडि बढ्न र “२० भन्दा बढी बस्तीहरू” मुक्त गर्न सक्षम भएको बताए।