युक्रेनका राष्ट्रपति भोलोडिमिर जेलेन्स्कीले युक्रेनका सबै हाल कब्जा गरिएका भागहरूमा युक्रेनी झण्डा फहराउने वाचा गरेका छन्।

“आज म हाम्रो झण्डाको विगतको बारेमा मात्र नभई यसको भविष्यको बारेमा पनि कुरा गर्न चाहन्छु,” जेलेन्स्कीले मंगलबार युक्रेनको राष्ट्रिय झण्डा दिवसको अवसरमा एक भाषणमा भने।

सबै अस्थायी रूपमा कब्जा गरिएका युक्रेनका शहरहरू र गाउँहरूमा निलो र पहेँलो झण्डा फेरि आफ्नो घरमा फहराउनेछ । यो बुधवार राष्ट्रको स्वतन्त्रता दिवस आउदै छ र युक्रेनले सोभियत संघसँगको सम्बन्ध तोडेको ३१ वर्ष पूरा भएको उनले बताए ।

रुसले युक्रेनी राजधानीमा क्षेप्यास्त्र आक्रमण गर्न सक्ने अधिकारीहरूले चेतावनी दिएपछि कीभमा यो दिवस मनाउने कार्यक्रमहरूमा प्रतिबन्ध लगाइएको छ।

खार्किभ शहरमा अधिकारीहरूले साँझ ७ बजेदेखि निषेधाज्ञा (कर्फ्यू )घोषणा गरेका छन्। स्वतन्त्रता दिवसको पूर्वसन्ध्या देखि भोलिपल्ट बिहान ७ बजेसम्म निषेधाज्ञा लागू गरिने छ ।

बुधवार फेब्रुअरी २४ मा युक्रेनमा रुसले आक्रमण सुरु भएको छ महिना भएको छ ।