पश्चिमी भारतमा मदिरा पिउँदा कम्तीमा २८ जनाको मृत्यु भएको छ भने ६० जना बिरामी परेको अधिकारीहरूले मङ्गलबार बताएका छन्।

वरिष्ठ सरकारी अधिकारी मुकेश परमारले गुजरात राज्यको अहमदाबाद र बोटाड जिल्लाहरूमा मृत्यु भएको बताए जहाँ रक्सीको उत्पादन, बिक्री र उपभोग निषेधित छ। रक्सी हेरफेर अर्थात् शुद्ध गर्न कुन रसायन प्रयोग गरिएको थियो भन्ने तत्काल थाहा हुन सकेको छैन भनि एबिसीन्यूजले समाचार लेखेको छ ।

गुजरात राज्यका प्रहरी प्रमुख आशिष गुप्ताले मदिरा बिक्रीमा संलग्न धेरै संदिग्ध रक्सी तस्करीहरूलाई पक्राउ गरिएको बताए।

अवैध रूपमा बनाइएको रक्सीबाट भारतमा बेलाबेलामा यस्ता दुर्घटना हुने गर्छन । अवैध रक्सी सस्तो र शक्ति बढाउनको लागि कीटनाशक जस्ता रसायनहरू प्रयोग गरिन्छ।

अवैध मदिरा पनि भारतभरि एक धेरै फाइदाजनक उद्योग भएको छ भने मदिरा तस्करीहरूले कुनै कर तिर्दैनन्। गरिबहरूलाई उनीहरूको उत्पादनको ठूलो मात्रा सस्तो दरमा बेच्छन्।

सन् २०२० मा भारतको उत्तरी पञ्जाब राज्यमा दूषित रक्सी पिएर कम्तिमा १२० जनाको मृत्यु भएको थियो।