रूस र युक्रेन बीचको वार्ता हाल रोकिएको छ, क्रेमलिनले शुक्रबार भन्यो । क्रेमलिनले कीभलाई मस्कोले नबुझेको “विरोधाभासी” वक्तब्यहरू गरेको आरोप लगाएको छ।

“युक्रेनी पक्षको निर्णयले वार्ता रोकिएको छ,” क्रेमलिनका प्रवक्ता डिमीट्री पेस्कोभले नियमित पत्रकार्र सम्मेलनमा पत्रकारहरूलाई भने।

“सामान्यतया, युक्रेनको नेतृत्वले लगातार एक अर्काको विरोधाभासपूर्ण बयान दिन्छ। यसले हामीलाई युक्रेनी पक्ष के चाहन्छ भन्ने पूर्ण रूपमा बुझ्न अनुमति दिँदैन,” पेस्कोभले थपे।

गत बिहीबार, पेस्कोभले भने मस्कोले कीभले यथास्थिति स्वीकार गर्ने र आफ्नो क्षेत्रीय मागहरू पूरा गर्ने अपेक्षा गरेको छ। र पूर्व अमेरिकी विदेश मन्त्री हेनरीकिसिङ्गरले युक्रेनले क्राइमिया र धेरै डोनबास क्षेत्र रुसलाई छोड्न सहमत गर्नुपर्ने सुझाव दिएको टिप्पणी पछि उनले उक्त कुरा भनेका हुन् ।

गत हप्ता रोयटर्ससँगको एक अन्तर्वार्तामा, युक्रेनी राष्ट्रपतिका सल्लाहकार मिखाइलो पोडोल्याकले रुससँग युद्धविराम गर्न सहमत हुन अस्वीकार गरे र कीभले मस्कोसँगको कुनै पनि सम्झौता स्वीकार नगर्ने बताएका थिए ।

युक्रेनी राष्ट्रपति भोलोडिमिर जेलेन्स्कीले किसिङ्गरको भनाइलाई सन् १९३८ मा नाजी जर्मनीको तुष्टीकरणसँग तुलना गरेका छन् ।