युक्रेनी शहर बुचाको सडकमा २० औ नागरिकहरुको शव यत्र तत्र छरिएको तस्बिरहरु सार्वजनिक भए पछि युक्रेनका राष्ट्रपति भोलोडिमिर जेलेन्स्कीले राष्ट्रका नाम र अन्तर्राष्ट्रिय जगतलाई अङ्कियदृश्य (भिडियो )मा सम्बोधन गरेका छन् ।

उनले उक्त अङ्कियदृश्य(भिडियो)मा कसैलाई अभिवादन पनि गरेनन । कुनै शब्द ज्यादा पनि भन्न चाहन्न ,उनले कसैलाई सम्बोधन नगरि भने । आफूले हत्तपत्त यस्तो कहिले नगरेको बताए । बुचा शहरमा भएको रुसी सेनाको ज्यादतीले पराकाष्ट नाघेको छ । रुसी सेनाले चरम यातना दिएका छन् । तर उक्त शहरबाट उनिहरु फिर्ता गएका छन् ।

यस घटनाले अन्तरराष्ट्रिय जगतलाई ध्यानाकर्षण गराएको छ । सबै चकित भएका छन् । सबैले घोर भर्त्सना गरेका छन् । राष्ट्रपति जेलेन्स्कीले यस्तो बोलेका छन् ।

आज यो सम्बोधन अभिवादन बिना हुनेछ। म कुनै अतिरिक्त शब्द चाहन्न।

राष्ट्रपतिहरूले सामान्यतया यस प्रकारको सम्बोधन अभिलेखनहरु (रेकर्ड )गर्दैनन्। तर आज म यति मात्र भन्न चाहन्छु। बुचा र हाम्रा अन्य शहरहरूमा के भयो र कब्जाकर्ताहरूलाई निष्कासित गरियो। सयौं मानिस मारिए । यातना दिइयो, सर्वसाधारणलाई मृत्युदण्ड दिइयो। खानी क्षेत्रका सडकमा लाशहरू छन् ,मृतकको शव पनि उत्खनन गरियो ,उनले सम्बोधनमा भने ।

यो लुटपाटको व्यापक परिणाम हो । हाम्रो देशमा केन्द्रित दुष्टता आएको छ। हत्याराहरू,यातना दिनेहरू,बलात्कारीहरु,लुटेराहरू जो आफुलाई सेना भन्छन् । र ,उनीहरुले यस्ता काम गरेका छन् कि उनीहरु मृत्युको लागि मात्र योग्य हुनेछन्।

म हरेक रुसी सैनिकको आमालाई बुचा, इरपिन, होस्टोमेलमा मारिएका मानिसहरूको शव हेर्न भन्दछु । तिनीहरूले के गरे? उनीहरु किन मारिए ? सडकमा दूई चक्र बाहन (साइकल) चलाएको मान्छेले के गर्यो ? किन सामान्य शान्त सहरमा सर्वसाधारणलाई यातना दिएर मृत्युदण्ड दिइयो ? कानको झुम्का च्याते पछि  किन महिलाको घाँटी थिचियो ? बालबालिकाको अगाडि महिलालाई कसरी बलात्कार गरेर मार्न सकिन्छ ? मरेपछि पनि उनीहरुको लाशलाई कसरी अपमानित गर्न सकिन्छ ? किन युद्ध बख्तरबन्द( ट्याङ्क)ले मान्छेको शव कुल्चियो ? युक्रेनी शहर बुचाले तपाईको रुसलाई के गर्‍यो ? यो सब कसरी सम्भव भयो ?

रूसी आमाहरू! लुटेरालाई तपाईले हुर्काउनु भयो ,कसरी उनीहरु कसाई बने ? तपाईहरु आफ्ना सन्तानहरूको भित्र के छ भनेर अनभिज्ञ हुन सक्नुहुन्न। तपाईले बेवास्ता गर्न सक्नुहुन्न कि तिनीहरू सबै मानवबाट वञ्चित छन्। आत्मा छैन। मुटु छैन। तिनीहरूले जानाजानी र खुशीको साथ युक्रेनीहरुलाई मारे ।

म रूसी संघका सबै नेताहरूललाई उनीहरूको आदेश कसरी पूरा भइरहेका छन् भनेर हेर्न चाहन्छु। हत्या,यातना साथै विस्फोटहरूले उनीहरुका हातहरु चुडीएका छन् ,बाँधिएका मानिसहरूको टाउकोको पछाडि गोली हानिएको छ , उनले अङ्कियदृश्यमा उनीहरुसंग जवाफ मागे ।

हामीले हाम्रो राज्यको इलाकामा कब्जा गर्नेहरूको प्रत्येक अपराधको अनुसन्धान र न्यायिक परीक्षणको लागि युक्रेनमा न्यायको विशेष संयन्त्र सिर्जना गर्ने निर्णयलाई अनुमोदन गरें। यस संयन्त्रको सार राष्ट्रिय र अन्तर्राष्ट्रिय विशेषज्ञहरूको संयुक्त कार्य हो: अन्वेषकहरू, अभियोजनकर्ताहरू र न्यायाधीशहरू। यस संयन्त्रले युक्रेन र विश्वलाई युक्रेनका जनता विरुद्धको यो भयानक युद्ध र हाम्रा जनता विरुद्धको अपराधमा भाग लिने वा कुनै पनि तरिकाले भाग लिनेहरूलाई ठोस न्याय दिन मद्दत गर्नेछ ,उनले भने ।

परराष्ट्र मन्त्रालय, महान्यायाधिवक्ताको कार्यालय, राष्ट्रिय प्रहरी, सुरक्षा निकाय, गुप्तचर निकाय र आ–आफ्नो क्षमतामा रहेका अन्य संरचनाले यो संयन्त्रलाई तत्काल सञ्चालनमा ल्याउन हरसम्भव प्रयास गर्नुपर्छ ।

म विश्वका हाम्रा सबै नागरिक र युक्रेनका साथीहरूलाई यस कार्यमा संलग्न हुन र न्याय स्थापना गर्न मद्दत गर्न आह्वान गर्दछु।

संसारले विभिन्न समयमा विभिन्न महादेशहरूमा पहिले नै धेरै युद्ध अपराध देखेको छ। तर यो समय हो कि रूसी सेनाको युद्ध अपराधलाई पृथ्वीमा यस्तो दुष्टताको अन्तिम अभिव्यक्ति बनाउन सम्भव छ।

त्यस्ता अपराधमा संलग्न सबैलाई यातना दिने विशेष पुस्तकमा समावेश गरिनेछ, पत्ता लगाइनेछ र सजाय हुनेछ।

साथै उनले युक्रेनी जनताको नाममा पनि सम्बोधन गरे ।

युक्रेनीहरू!

म तपाईहरुलाई त्यो महसुस गराउन चाहन्छु। हामीले धेरै क्षेत्रबाट शत्रुलाई धपायौं। तर रुसी सेनाले अझै पनि अन्य क्षेत्रको कब्जा गरेको क्षेत्रलाई नियन्त्रणमा राखेको छ। र कब्जाकर्ताहरूको निष्कासन पछि, त्यहाँ अझ खराब चीजहरू फेला पार्न सकिन्छ। अझ धेरै मृत्यु र यातनाहरू हुन् सक्छन । किनभने यो हाम्रो भूमिमा आएका रूसी सेनाको स्वभाव हो। यी घटियारू हुन् जसले अन्यथा गर्न सक्दैनन्। र ,तिनीहरूसँग त्यस्ता आदेशहरू थिए।

युक्रेनका सबै साझेदारहरूलाई हाम्रो राज्यको अस्थायी रूपमा कब्जा गरिएको क्षेत्रमा के भयो भनेर विस्तृत रूपमा सूचित गरिनेछ। बुचा र अन्य शहरहरूमा रूसी कब्जाको समयमा युद्ध अपराधलाई पनि संयुक्त राष्ट्र सुरक्षा परिषदले मंगलबार विचार गर्नेछ।”