रुसले युक्रेनलाई बेलारुसमा हुने वार्ताबारे निर्णय गर्न समय सीमा दिएको छ । रुसले युक्रेनी अधिकारीहरूलाई दिउँसो ३ बजेको समय सीमा दिएको छ । स्थानीय समय अनुसार आइतबार (सात बजे अमेरिकी पूर्वीय समय ) बेलारुसको शहर गोमेलमा वार्ताका लागि भेट गर्ने कि नगर्ने भन्ने निर्णय गर्न समय सीमा तोकेको हो ।

रुसी प्रतिनिधिमण्डलका प्रमुख र राष्ट्रपति भ्लादिमिर पुटिनका सहयोगी भ्लादिमिर मेडिन्स्कीले राज्य समाचार एजेन्सी आरआईए नोवोस्तीलाई भने कि उनीहरू तोकिएको समयसम्म बस्नेछन् र प्रतिक्रियाको लागि पर्खनेछन्।

“हामीले यो पुष्टिकरण प्राप्त गर्ने बित्तिकै, हामी वार्तामा हाम्रा समकक्षहरूलाई भेट्न तुरुन्तै प्रस्थान गर्नेछौं,” मेडिन्स्कीले भने। “हामी शान्तिको पक्षमा उभिएका छौं।”

यद्यपि, युक्रेनी राष्ट्रपति भोलोडिमिर जेलेन्स्कीले आइतवार भने कि उनी रुससँग वार्ता गर्न इच्छुक रहेको तर बेलारुसमा बैठकको लागि उनीहरूको प्रस्ताव अस्वीकार गरे।

बेलारुस रुसको सहयोगी हो र उसले युक्रेनमा रुसको आक्रमणमा प्रमुख भूमिका खेलेको थियो। युक्रेनी अधिकारीहरुका अनुसार बेलारुस सरकारको सहयोगमा रुसी सेनाले बेलारुस सीमामा आक्रमण गरेको थियो।

जेलेन्स्कीले आइतवारको सम्बोधनमा बेलारुसलाई प्रत्यक्ष रूपमा सम्बोधन गर्दै बेलारूसी क्षेत्रबाट “आक्रामक कार्यहरू” को अर्थ देशमा वार्ता गर्न सम्भव नभएको बताए। युक्रेनले बेलारुसी क्षेत्रबाट कीभतर्फ प्रक्षेपण गरिएको क्रुज क्षेप्यास्त्र (मिसाइल)लाई रोकेको बताएको छ भनि सिएनएनले सामाचार लेखेको छ ।