वाशिङ्टन डी.सी. — नेपाली कला, संस्कृति, संगीत र चलचित्रलाई अन्तर्राष्ट्रिय मञ्चमा प्रवर्द्धन गर्न समर्पित प्रमुख मनोरञ्जन तथा इभेन्ट म्यानेजमेन्ट कम्पनी आरएनआर ग्रुप्सले मिस नेपाल वर्ल्ड २०२० नम्रता श्रेष्ठलाई आफ्नो आधिकारिक ब्रान्ड एम्बेसडर नियुक्त गरेको घोषणा गरेको छ।

नम्रता श्रेष्ठ नेपाली फेसन र मनोरञ्जन उद्योगको एक चर्चित नाम हुन्। उनले सन् २०२० मा मिस नेपाल वर्ल्ड को उपाधि जितेकी थिइन् र सन् २०२१ मा प्योर्टो रिकोमा आयोजित मिस वर्ल्ड प्रतियोगितामा नेपाल प्रतिनिधित्व गर्दै विश्वकै शीर्ष ४० भित्र स्थान बनाएकी थिइन्। मोडल, अभिनेत्री तथा वक्ताको रूपमा उनले नेपालको सांस्कृतिक पहिचान र प्रवर्द्धनमा उल्लेखनीय योगदान पुर्‍याउँदै आएकी छिन्।

उनीलाई ब्रान्ड एम्बेसडरमा नियुक्त गर्नु आरएनआर ग्रुप्स र नम्रता श्रेष्ठबीच साझा उद्देश्य र दृष्टिकोणको प्रतीक हो
— नेपालप्रतिको गहिरो प्रेम, नेपाली डायस्पोरालाई सशक्त बनाउने प्रतिबद्धता, र नेपाली कला, संगीत, संस्कृति
तथा चलचित्रलाई विश्वसामु प्रस्तुत गर्ने लक्ष्य।

आरएनआर ग्रुप्स परिवारमा नम्रता श्रेष्ठको स्वागत गर्न पाउँदा हामी गर्वित छौँ। उनको अन्तर्राष्ट्रिय पहिचान र नेपाली संस्कृतिप्रतिको समर्पण हाम्रो उद्देश्यसँग पूर्ण रूपमा मेल खान्छ, आरएनआर ग्रुप्स का मनीष श्रेष्ठले बताउनुभयो।

आरएनआर ग्रुप्सको बारेमा – मनोरञ्जन तथा इभेन्ट योजनाकार सन् २००१ मा नेपालमा स्थापना भएको RnR Groups अहिले नेपाल र अमेरिका दुवैमा सक्रिय एक प्रतिष्ठित इभेन्ट म्यानेजमेन्ट संस्था हो। यो समूहले नेपाली डायस्पोरालाई सांस्कृतिक कार्यक्रम, फेसन शो, चलचित्र प्रिमियर, संगीत कन्सर्ट तथा च्यारिटी कार्यक्रमहरू मार्फत जोड्दै आएको छ। यसको मुख्य उद्देश्य नेपाली संस्कृति र पर्यटनलाई विश्वव्यापी रूपमा प्रवर्द्धन गर्नु हो।

सन् २०२४ मा आरएनआर ग्रुप्सले “Best International Event Organizer Award” प्राप्त गरेको थियो, जसले यसको योजनामा दक्षता, सिर्जनात्मकता, र सांस्कृतिक प्रतिनिधित्वलाई मान्यता दिएको हो। प्रत्येक कार्यक्रममा आरएनआर ग्रुप्सs ले गौरव, एकता र नेपाली पहिचानको अन्तर्राष्ट्रिय स्तरमा सम्मान गर्ने वातावरण सिर्जना गर्दै आएको छ।

नम्रता श्रेष्ठको ब्रान्ड एम्बेसडरको रूपमा सहभागिता पछि, RnR Groups अझ नवप्रवर्तन, सहकार्य र सांस्कृतिक उत्सवको नयाँ अध्याय सुरु गर्न उत्साहित रहेको छ।