रूसले आइतबार राति युक्रेनमाथि एक विशाल हवाई हमला गर्दै कम्तीमा ४७९ मानव रहित यान (ड्रोन )पठाएको युक्रेनी वायुसेनाले सोमबार जनाएको छ। यो हमला हालसम्मकै सबैभन्दा ठूलो रातभरिको हवाई आक्रमणमध्ये एक हो।

“प्रारम्भिक तथ्यांक अनुसार बिहान १०:३० बजेसम्म हाम्रा हवाई सुरक्षाले ४७९ शत्रु हवाई आक्रमण यन्त्रहरूलाई निष्क्रिय बनायो, जसमध्ये २९२ मानव रहित यान (ड्रोन)लाई खसालियो भने १८७ मानव रहित यान (ड्रोन)हरू स्थानमा हराएका थिए,” युक्रेनी वायुसेनाले युक्रेनी भाषामा सार्वजनिक सन्देशमार्फत जानकारी दिएको एबिसीन्यूजले जनाएको छ ।

साथै पोल्याण्डको सेनाले पनि सोमबार बिहान रूसी आक्रमण सुरु भएपछि आफ्नो हवाई क्षेत्रमा पोलिश र सहयोगी विमानहरूलाई अल्पकालीन रूपमा परिचालन गरेको जनाएको छ।

संचालन सेनापतिले सबै उपलब्ध स्रोत र शक्तिहरू परिचालन गरे, सतर्कता अवस्थामा रहेका लडाकु विमानहरू आकाशमा उडे, भूमिमा आधारित हवाई सुरक्षा र रडार प्रणालीहरू उच्चतम तयारी अवस्थामा पुर्याएको पुगाएको पोल्याण्डी सेनाले बताएको छ ।

यी विमान परिचालनहरू ‘पूर्व-सावधानीका लागि’ गरिएको सेनाले जनाएको छ ।

झण्डै तीन घण्टापछि, बिहान ७ बजे आसपास, पोलिश सेनाले रूसी हमलाको खतरा कम भएको जानकारी दियो । र लडाकु विमानहरूलाई सामान्य अवस्थामा फर्काइएको बतायो।

“पोल्याण्डको हवाई क्षेत्र उल्लंघन भएको कुनै प्रमाण भेटिएको छैन,” सेनाले प्रष्ट पारेको छ।