हिक्मत थापा

सिद्दिएका छैनन ,
हरमन्टाइनले बोकेर ल्याएका
आकाश भरी बालुवाका धुलामैला कण
हेर ,
तर म फुले फेरि
शितल वायु वर्षा नहुदैं
तिमिलाई सम्झाउन ,
क्यालेन्डरले ल्याई सकेछ
फेरि फेब्रुअरी १४ !

*** *

मनमा त्यै याद जस्तै
तप तप पोखिदैं गरेका
प्रेमिल रंग जस्तै
गुलाफी
रंग भएर
म पोखिए तिम्रै अधरमा
र फैलिए मुस्कान भइ
त्यो पुरानो समयमा
आज फेरि ताजा भइ ,
आएछ साँच्ची नै ,
फेरि फेब्रुअरी १४ !

**
*** *****

बर्षालु बादलले
ल्याएको चिसो हावाको
मायालु स्पर्श पछि
तिमी फेरि आयौं ,
मातिएको बर्षातको
बुँद बुँद भएर
मानौं ,
समय सबैं
बैशालु बनाउदै
साच्चैं
तिमी आयौं
फेरि फेब्रुअरी १४ ।

• 
  (१४ फेब्रुअरी २०२५
  लेगोस , नाइजेरिया )

हरमन्टाइन : सुख्खा मौसममा सहारा मरुभूमि बाट आउने बालुवाका कण बोकेको हावा ।