“डिजिटल ब्रिजेज  फर  नेपाल” एउटा विशेष अभियान हो,यस अभियानमा म पनि प्रत्यक्ष रूपमा जोडिन पाउँदा  अत्यन्तै गौरवान्वित छु।  यस अभियानले नेपालको दुर्गम जिल्लाका विद्यालयहरूलाई लक्षित गर्दै त्यहाँका विद्यार्थीहरूको शिक्षामा व्यापक परिवर्तन ल्याउने उद्देश्य लिएको छ। समाजमा समर्पित व्यक्तिहरूको नेतृत्वमा यो अभियानले डिजिटल स्रोतहरूको पहुँचबाट टाढा रहेका विद्यालयहरूलाई आवश्यक उपकरण तथा सिकाइका सामाग्री उपलब्ध गराउँदैछ। यसैगरी, शिक्षकहरूलाई आधुनिक प्रविधिमा प्रशिक्षित गर्दै, विद्यार्थीहरूलाई डिजिटल सीपहरूमा सशक्त बनाउने कार्यमा यो पहल सक्रिय छ।

https://www.flipcause.com/secure/cause_pdetails/MjIzMjIz

यो अभियानले शिक्षा नै कुनै पनि समुदायको सशक्तिकरण र देशको समृद्धिको आधार हो भन्नेमा दृढ विश्वास राख्छ। “डिजिटल ब्रिजेज फर  नेपाल” लाई समर्थन गरेर, तपाईंले दुर्गम जिल्लाका विद्यार्थीहरूलाई डिजिटल ज्ञान र अवसरहरूको विशाल संसारमा पहुँच पुर्‍याउने, उनीहरूको उज्ज्वल भविष्यको मार्ग प्रशस्त गर्ने र समुदायहरूलाई सबल बनाउने यो महत्त्वपूर्ण यात्रामा सहभागीता जनाउन सक्नुहुन्छ। तपाईंको सानो सहयोगले डिजिटल पूर्वाधार विकासमा ठुलो प्रभाव पार्छ, जसले नेपालको हरेक बालबालिकालाई उज्यालो भविष्यको यात्रामा अघि बढ्न सहायता पुर्‍याउँछ। डिजिटल अन्तर घटाउँदै दीर्घकालीन परिवर्तन ल्याउन यो अभियानलाई साथ दिनुहोस्—तपाईंको योगदानले साँचो परिवर्तन ल्याउन सक्छ!

www.digitalbridges.org