ओप्सना म्युजिक अवार्ड २०८१ सम्पन्न

इनेप्लिज २०८१ जेठ २९ गते ९:५५ मा प्रकाशित

काठमाडौं २८ जेष्ठ । ओप्सना फिल्मस् प्रा.लि. द्वारा आयोजित पहिलो संकरण ‘राष्ट्रिय ओप्सना म्युजिक अवार्ड २०२४’ पूर्व सञ्चार मन्त्री पार्वत गुरुङको प्रमुख आतिथ्यमा नाचघर जमलमा भव्यताका साथ सम्पन्न भएको छ । विशेष अतिथिमा नेपाल संगीत तथा नाट्य प्रज्ञा प्रतिष्ठानका उपकुलपति वरिष्ठ संगीतकार तथा गायक शम्भु राई, प्राज्ञ डा. किराँत लगायतका गीत, संगीत क्षेत्रका बिशिष्ठ व्यक्तिहरूको उल्लेखनिय उपस्थिति रहेको कार्यक्रमको सभापतित्व आयोजक समितिका अध्यक्ष ओम प्रकाश राईले गर्नु भएको थियो । राष्ट्रिय भाव, पप, लोकदोहोरी, चलचित्र र आधुनिक, भाषिक विधाका स्रष्टा, सिर्जना, प्राविधिकहरूलाई समावेश गरि विभिन्न ३९ विधामा र अन्य गरी जम्मा ६३ विद्यामा अवार्ड तथा सम्मान अर्पण गरिएको थियो ।


कार्यक्रममा वरिष्ठ साहित्यकार तथा गीतकार सुरेन्द्र महर्जन ‘अमर’ लाई नगद २१२११/- राशी सहित लाइफ टाइम अचिभमेन्ट अवार्डबाट सम्मान प्रदान गरिएको थियो । निर्णायकहरूमा सुमनजंग के.सी., भीष्मराज फुलारा, दिवाकर भण्डारी, आनन्द कार्की र मान बहादुर थापा रहनु भएको थियो । वरिष्ठ पत्रकार सानु श्रेष्ठ र पूण्यप्रसाद भट्टराई विशेष पत्रकारिता सम्मानबाट सम्मानित भएभने कार्यक्रमको व्यवस्थापन पेमा शेर्पा राईले गर्नु भएको थियो ।

अवार्ड बिधा र सम्मानित श्रष्टाहरू :
सर्वोत्कृष्ट आधुनिक शब्दतर्फ झलनाथ खनाल– आमा भन्नु, सर्वोत्कृष्ट संगीततर्फ डि.आर. अटु– सताएर जाउँ, सर्वोत्कृष्ट फिल्म निर्देशक राजु गिरी दिलमाया २ ‘पब्लिक च्वाईस’, सर्वोत्कृष्ट आधुनिक गायकमा केशव भावुक– छातिभित्र, सर्वोत्कृष्ट पूर्वेली लोक तथा दोहोरी दिपक तामाङ– सोल्टिनी सेवारो, सर्वोत्कृष्ट महिला मोडल काँठे आयुष्मा कार्की– गलबन्दी पछौरी, सर्वोत्कृष्ट राष्ट्रिय गीत शब्दतर्फ श्याम कुमार बानियाँ– आकाश खुल्यो, सर्वोत्कृष्ट राष्ट्रिय गीत गायिका राधा ज्ञवाली– हिमालमा घाम, सर्वोत्कृष्ट महिला आधुनिक मोडल सञ्जु मोक्तान– कहिले आउँछ, सर्वोत्कृष्ट पूर्वेली लोकगायक तर्फ नन्दु राई– धनकुटा हिले, सर्वोत्कृष्ट लिम्बु भाषा गीतको गायकतर्फ– कुशल थलङ– लुङमारक हिम्ला, सर्वोत्कृष्ट राई भाषा गीत गायक “जुरी” सन्तोष दुमी राई, सर्वोत्कृष्ट काँठे गायिका सबनम आचार्य (फुयाल), सर्वोत्कृष्ट आधुनिक गायक (पब्लिक च्वाइस) प्रदिप सापकोटा, सर्वोत्कृष्ट फिल्म निर्देशक दिनेश लिङ्देन, सर्वोत्कृष्ट आधुनिक मोडल (पब्लिक च्वाईस) पदम बस्नेत, सर्वोत्कृष्ट फिल्म अभिनेता (पब्लिक च्वाइस) दामोदर सापकोटा, सर्वोत्कृष्ट आधुनिक युगल गायक प्रचण्ड बाबु राई, सर्वोत्कृष्ट पूर्वेली तथा लोकदोहोरी शब्दतर्फ अर्जुन घिमिरे चुलीदेवी माइ (पब्लिक च्वाइस), सर्वोत्कृष्ट नृत्य निर्देशक मनिषा राई, सर्वोत्कृष्ट गीतकार आधुनिक गोविन्द प्रसाद नागीला ‘प्रोत्साहन’, सर्वोत्कृष्ट गीतकार प्रवासी सुशिल चालिसे, सर्वोत्कृष्ट पप गायक (पब्लिक च्वाइस) नवल राई, सर्वोत्कृष्ट आदिवासी चलचित्र ‘लोजिमा’ सागर सुब्बा, सर्वोत्कृष्ट आधुनिक गायिका आश्मा विश्वकर्मा, सर्वोत्कृष्ट लोकदोहोरी गायक नवप्रतिभा संगम लिम्बु, उत्कृष्ट लोकदोहोरी गायक नव राज रुम्बा– आउन कान्छी, उत्कृष्ट लोकदोहोरी गायिका– विष्णु सुवेदी, सर्वोत्कृष्ट आधुनिक युगल गायकतर्फ सौगात जंग (जुरीतर्फ), सवोत्कृष्ट पपगायक नवतर्फ रुपेश लामा, सर्वोत्कृष्ट पप गायकतर्फ सपन श्रेष्ठ, सर्वोत्कृष्ट फिल्मको नायकतर्फ ईअन लिम्बु– दुई कदम फिल्म, सर्वोत्कृष्ट चलचत्रि संगीत विकास चौधरी, सर्वोत्कृष्ट काँठे लोकदोहोरी गायिका– संगीता पहरी, सर्वोत्कृष्ट देउडा गायक सुर्यविरही साउद, सर्वोत्कृष्ट लोक देउडा गायक दिपेन्द्रप्रसाद दाहाल, सर्वोत्कृष्ट आधुनिक गीतको मोडलतर्फ पदम बस्नेत (पब्लिक च्वाइस), सर्वोत्कृष्ट आधुनिक भिडियो निर्देशक– नविन पन्त (पब्लिक च्वाइस),सर्वोत्कृष्ट ध्वनि मिश्रण गोविन्द सोनी गीत काली गोरी, सर्वोत्कृष्ट फिल्मको शब्दतर्फ डी.पी. खनाल– ‘फनफनी’, सर्वोत्कृष्ट गायक आधुनिक नवप्रतिभा नवराज पराजुली, सर्वोत्कृष्ट राई भाषाको गीत गायकतर्फ चित्र आठपहरिया राई– घिन्ताङ घिन्ताङ मादलै टेने, सर्वोत्कृष्ट कुलुङ भाषाको गीतकार तर्फ मनुहाङ किराँती राई– साल्पा सिलिछोमी, सर्वोत्कृष्ट आधुनिक शब्द नवतर्फ उद्धब गौतम– जिन्दगीको गोरेटोमा, सर्वोत्कृष्ट आधुनिक गीतकार प्रवासी राजेश के.सी.,सर्वोत्कृष्ट पप गायकतर्फ (जुरी) नविन दाहाल, सर्वोत्कृष्ट कस्टुम डिजाइनर महेश शिवभक्त,सर्वोत्कृष्ट सिनेमाटोग्राफर सुजन श्रेष्ठ, सर्वोत्कृष्ट शिक्षाविद् यादव गिरी, सर्वोत्कृष्ट आधुनिक गायक (जुरी) राजेन्द्र राई, सर्वोत्कृष्ट टेलिभिजन प्रस्तोता राजेन्द्र बानियाँ, सर्वोत्कृष्ट फिल्म कलाकार चन्द्र लामा, सर्वोत्कृष्ट गीतकार सन्दिप खनाल, सर्वोत्कृष्ट पप शब्दतर्फ उत्कल चालिसे, सर्वोत्कृष्ट पपशब्द (जुरी तर्फ) प्रेमा संगम कालिन्चोक घुमेर जाउँ, सर्वोत्कृष्ट आधुनिक मोडल एल.पी. शर्मा, सर्वोत्कृष्ट देउडा मोडल महिला जुना कार्की,सर्वोत्कृष्ट आधुनिक मोडल महिला (नव) अनु राई– कोसँग तिमी भुल्न थाल्यौ (पब्लिक च्वाइस), सर्वोत्कृष्ट आधुनिक मोडल सुशिला श्रेष्ठ– जिउनु न मर्नु बनायौ (जुरी),सर्वोत्कृष्ट कलाकार सत्यदेवी थापा, सर्वोत्कृष्ट गीतकार आधुनिक नवतर्फ लिना राई– तिमी आयौ जिन्दगीमा (जुरी),सर्वोत्कृष्ट भिडियो निर्देशन आधुनिक गीत गौरव गिरी– सँगसँगै, सर्वोत्कृष्ट आधुनिक गायक तर्फ मिलन तिमल्सिना– ‘मलाई बात लागे’ (पब्लिक च्वाइस) रहेका छन् भने अमिषा रिसाल र दिपेन्द्र शाहीले कार्यक्रमलाई सहजिकरण गर्नु भएको थियो ।

प्रतिक्रिया