अमेरिकाको मिसिगनमा ४ जना बिधार्थीको हत्या गर्ने किशोरका आमाबाबुलाई हत्याको लागि अदालतद्वारा १० देखि १५ वर्षको कारागार सजाय सुनाईएको छ ।

अदालतले किशोरका आमाबुवा जेम्स तथा जेनिफर क्रम्बलीलाई अक्सफोर्ड, मिशिगनमा २०२१ मा गोलाबारीमा चार विद्यार्थीको हत्या गर्ने किशोरका आमाबाबुलाई हत्याको दोषी ठहरिएको हप्ता पछि मंगलबार प्रत्येकलाई १० देखि १५ वर्षको कारागार सजाय सुनाइएको छ ।

जेम्स तथा जेनिफर क्रम्बलीलाई गोलाबारीको दिन पछि डेट्रोइट गोदाममा उनीहरूको गिरफ्तारी पछि दुई वर्ष भन्दा बढी समय देखि कारागारमा मै राखिएको छ । यद्यपि उनीहरूलाई छुट्टै मुद्दा चलाइएको थियो।

पीडितहरुका अभिभावकहरुको उपस्थितिमा “म तपाईहरुको अतुलनीय क्षतिको लागि गहिरो तथा इमान्दार शोक व्यक्त गर्न सक्छु र गर्नेछु,” न्यायाधीश चेरिल म्याथ्यूले सजाय सुनाउने क्रममा भने।

अभिभावक जेम्स तथा जेनिफर क्रम्बलीका सुपुत्र गोली काण्ड गर्दा इथान क्रम्बली १५ बर्ष मात्र उमेर भएको सिएनएनले समाचारमा उल्लेख गरेको छ । चार विद्यार्थीहरूलाई हत्या गरेकोमा आजीवन कारागार सजाय सुनाइएको थियो । उनले २०२१ मा प्रथम श्रेणीको पूर्वनियोजित हत्या लगायत २४ वटा आरोपहरूमा दोषी भएको स्वीकार गरेका थिए ।

अभियोजनकर्ताहरूका अनुसार आमाबाबुले गोलाबारी अघि धेरै चेतावनी संकेतहरूलाई बेवास्ता गरेका थिए । उनीहरूले आफ्नो छोरालाई गोली हान्न प्रयोग गरेको हतियार भर्खरै किनेका थिए। आमाबाबुले हतियार सुरक्षित गर्न र छोराको पहुँचलाई सीमित गर्न असफल भएको समेत अभियोग आमाबुवालाई लगाईएको थियो ।

अक्सफोर्ड बिद्यालयका अधिकारीहरूले आफ्नो छोराको गणित परीक्षामा विचलित चित्रहरू बनाएको फेला परेपछि गोलाबारीको बिहान अभिभावकहरूलाई बिद्यालयमा बोलाएका थिए ।