गत वर्ष जर्मनीको बाभेरिया शहरको प्रसिद्ध नेउस्वान्स्टाइन महल नजिकै एक अमेरिकी पर्यटकलाई बलात्कार र हत्या गरेको आरोपमा एक अमेरिकी व्यक्तिले सोमबार आफ्नो मुद्दाको पहिलो दिनमा स्विकार गरेको सिविएसले समाचार लेखेको छ।

ट्रोय फिलिप बीले नामक अमेरिकी नागरिकले २१ वर्षीया महिलाको हत्याको एक गणना सहित धेरै आरोपहरूको सामना गर्नु परेको समाचारमा उल्लेख गरिएको छ ।

उनीमाथि पीडितको साथी तथा एक अमेरिकी नागरिकको हत्या प्रयासको आरोप पनि लगाईएको छ ।

“अभियुक्तले बुझ्न नसकिने कार्य गरेको छ,” उनका वकिल फिलिप मुलरले दक्षिणी शहर केम्प्टनको जिल्ला अदालतमा भने।

गत वर्ष जुनमा २१ र २२ वर्षका ती दुई महिलाहरू नेउस्वान्स्टेन क्षेत्रमा पैदल यात्रा गर्दै गर्दा उनीहरूले बीलाई भेटेका थिए ।

सिविएस समाचारका अनुसार सुनसान ठाउँमा ३० वर्षीय पुरुषले २१ वर्षीया युवतीलाई भुइँमा धकेलेर बलात्कार गरी घाँटी थिचेर हत्या गरेका थिए । 

उनको साथीले उनिसॅग प्रतिकार गर्दा झगडा भएको र उनले २२ वर्षीया किशोरीलाई ओरालोमा धकेलेका थिए ।

त्यसपछि अभियुक्तले २१ वर्षीया युवतीमाथि यौन दुव्र्यवहार जारी राखे र उक्त कार्यको छायांकन गर्दा पेटीले घाँटी थिचेका थिए।

पछि पहाडी उद्धारकर्मीहरूले दुई महिलालाई भेट्टाएपछि २२ वर्षीया घाइते भए पनि बोल्न सक्ने अवस्थामा नभएको सिविएस समाचारमा उल्लेख छ ।