अमेरिकी पूर्व उपराष्ट्रपति माइक पेन्सले आगामी २०२४ मा हुने राष्ट्रपति पदको लागि उम्मेदवारी त्याग गरेका छन् । रिपब्लिकनहरुको प्राथमिक निर्वाचनका लागि हुने प्रतिस्प्रद्धामा पेन्सले व्हाइट हाउसमा पुग्ने आफ्नो अभियान समाप्त गरेका छन् भनि एपीले समाचार प्रकाशित गरेको छ ।

पेन्सले गत शनिबार रिपब्लिकनका उम्मेदवारहरु मध्येबाट आफ्नो आफू राष्ट्रपति पदको लागि अब मैदानमा नहुने भन्दै उम्मेदवार फिर्ता लिएका छन् । पैसा उठाउन र चुनावमा अगाडी बढ्न संघर्ष गरेपछि व्हाइट हाउसको लागि आफ्नो अभियान समाप्त गरेको घोषणा गरे।

“यो मेरो लागि स्पष्ट भएको छ: यो मेरो समय होइन,” पेन्सले लस भेगासमा रिपब्लिकन यहूदी गठबन्धनको वार्षिक भेलामा भने। “त्यसैले धेरै विन्ति र विचार-विमर्श पछि, मैले आज राष्ट्रपतिको लागि मेरो अभियान स्थगित गर्ने निर्णय गरेको छु।”

“हामीलाई सदैव थाहा थियो कि यो एक कठिन लडाई हुनेछ, तर मलाई कुनै पछुतो छैन,” पेन्सले दर्शकहरूलाई भने ।

पेन्स राष्ट्रपतिको दौड छोड्ने पहिलो प्रमुख उम्मेद्वार हुन् । अहिले पनि पूर्व राष्ट्रपति डोनाल्ड ट्रम्पको वर्चस्व रहेको छ।