अमेरिकामा महिलाहरुले प्रयोग गर्ने परिवार नियोजनको लागि प्रयोग गरिने गर्भनिरोधक चक्की औषधि पसलमा चिकित्सकको पूर्जी बिना खरिद गर्न सकिने भएको छ । अमेरिकी खाद्य र औषधि प्रशासन(एफडिए )ले बिहीबार अनुमति दिएको छ ।

एफडिएले अमेरिकाको पहिलो नन -प्रेस्क्रिप्शन (चिकित्सकको पूर्जी नै नचाहिने )मौखिक गर्भनिरोधक चक्कीलाई अनुमोदन गर्ने निर्णयले लाखौं मानिसहरूले लाभ लिने अपेक्षा गरिएको छ ।

अमेरिकामा चिकित्सकको पूर्जी बिना नै सरल रुपमा औषधि पसलमा आफै किन्न सकिनेछ । अर्थात् अमेरिकामा ओभर -द-काउन्टर मा जन्म नियन्त्रण चक्की (ट्याबलेट )स्वीकृत भएको छ ।

निर्माताका अनुसार ओपिल नामक गर्भ निरोधक चक्की २०२४ को सुरुमा औषधालयमा उपलब्ध हुने जनाईएको छ ।

ओपिल कहिले देखि ओखति पसलमा बेचबिखन हुन्छ ?

चक्की निर्माता पेरिगो उद्योगका प्रवक्ताका अनुसार ओपिल, प्रोजेस्टिन केवल मुखबाट मात्र खाने गर्भनिरोधक चक्की “२०२४ को शुरुमा” उपलब्ध हुने बताए ।

के ग्राहकहरूले ओपिल चक्कीको लागि फर्मासिस्ट(भेषजज्ञ )लाई सोध्नु पर्छ?

कुनै जरूरी छैन। ओपिललाई एफडिएद्वारा टाईलेनोल जस्तै खरिद गर्न सकिनेछ । अर्थात् ओभर-द-काउन्टरमा औषधिहरू बेच बिखनका लागि राखिएको जस्तै यसलाई राखिने हुनाले खरिद गर्न सकिनेछ ।

ओपिलको मुल्य कति पर्छ :

निर्माता पेरिगोले मूल्य निर्धारण बारे जानकारी गराएको छैन । ओपिल पसलहरूमा आउनु अघि आउने महिनाहरूमा योजना बनाउने जनाईएको छ ।

“हामी यो सुनिश्चित गर्न प्रतिबद्ध छौं कि ओपिल व्यापक रूपमा पहुँचयोग्य र किफायती छ,” महिला स्वास्थ्यका लागि पेरिगोको विश्वव्यापी उपाध्यक्ष फ्रेडेरिक वेलग्रिनले एनबिसीलाई एक विज्ञप्तिमा भने ।

“हामीले केही महिला र ओपिलको प्रयोगबाट लाभ उठाउने मानिसहरूलाई मद्दत गर्न उपभोक्ता सहायता कार्यक्रममा पनि काम गरिरहेका छौं, ” उनले भने ।

कहाँ ओपिल उपलब्ध हुन्छ ?

ओपिल औषधि पसल, सुविधा पसल, किराना पसल र बिधुतिय अर्थात् अनलाइनमा बेच्ने अपेक्षा गरिएको एफडीएले बताएको छ । पेरिगोले अझै पनि कुन विशेष खुद्रा विक्रेता र बिधुतिय वितरकहरू मार्फत बेच्ने छ भनेर पत्ता लगाइरहेको छ र आउने महिनाहरूमा ती घोषणा गर्ने प्रवक्ताले भने।

ओपिलको इतिहास :

एफडिएले पहिलो पटक सन् १९७३ मा ओपिललाई प्रिस्क्रिप्शन बर्थ कन्ट्रोल( जन्म नियन्त्रण पूर्जीद्वारा मात्र ) को रूपमा अनुमोदन गरेको थियो । फाइजरले यसलाई ३० वर्षभन्दा बढी समयसम्म ओभेरेट नामले बजारमा ल्याएको थियो।

ओपिलसँग व्यापक सुरक्षा र प्रभावकारिता तथ्यांक छ भने यो गर्भावस्था रोक्न ९३ % प्रभावकारी भएको पाइन्छ। पेरिगो सँस्था एचआरए फार्माले लगभग एक दशक अघि औषधिको अधिकार प्राप्त गरेको थियो जसलाई ओभर-द-काउन्टर ल्याउने उद्देश्यले राखेको थियो।

विभिन्न चिकित्सा समूह र प्रजनन अधिकार वकालत समूहहरूले बिहीबारको एफडिए स्वीकृतिको प्रशंसा गरेका छन् । “बिरामीहरूका लागि कुन प्रकारको गर्भनिरोधक उत्तम काम गर्छ भनेर छनौट गर्दा यो महत्त्वपूर्ण छ,” अमेरिकी चिकित्सा संघका अध्यक्ष डा. जेसी एरेनफेल्डले एक विज्ञप्तिमा भने।

श्रोत : एनबिसीन्यूज