२० आप्रवासी बोकेको दोस्रो विमान क्यालिफोर्नियाको साक्रामेन्टोमा अवतरण भएको छ । यसमा फ्लोरिडा संलग्न रहेको अधिकारीहरूले दाबि गरेका छन् ।

आप्रवासीहरू बोकेको एउटा विमान सोमबार साक्रामेन्टोमा अवतरण गरेको सिबिएस न्यूजले जनाएको छ । ४ दिन अगाडी मात्र १६ आप्रवासीहरू सहितको आरक्षित गरिएको उडान गत शुक्रबार शहरमा अवतरण गरेको थियो । उनीहरुलाई एक गिर्जाघर अगाडी झोला सहित छोडिएको थियो ।

पुन सोमबारको उडानमा करिब २० व्यक्ति पठाईएको राज्यका महान्यायाधिवक्ताका प्रवक्ताले भने। कागजातका अनुसार दुबै उडानहरू फ्लोरिडा राज्यसँग जोडिएका थिए भनि प्रवक्ताले बताए ।

क्यालिफोर्नियाका महान्यायाधिवक्ता रोब बोन्टाका प्रवक्ताले भने, “आज आएको उडान सञ्चालन गर्ने ठेकेदार गत हप्ता आप्रवासीहरूलाई ढुवानी गर्ने ठेकेदार नै हो जस्तो देखिन्छ।” “शुक्रबार आइपुगेका आप्रवासीहरूको मामलामा जस्तै, आज आइपुगेका आप्रवासीहरूले क्यालिफोर्नियामा उनीहरूको ढुवानी फ्लोरिडा राज्यमा संलग्न रहेको संकेत गर्ने कागजातहरू बोकेका थिए।”