युक्रेन बिरुद्ध आक्रमणमा संलग्न रुसी भाडाका सैनिक वाग्नरले गोला बारुदको अभावमा मे १० मा बाख्मुत छोड्ने वाग्नरका प्रमुख येभगेनी प्रिगोजिनले बताए ।

शुक्रबार रुसको लागि लड्ने निजी सैन्य सँस्था (कम्पनी)ले मे १० मा युक्रेनी शहर बाख्मुत लडाकुहरूसँग गोला बारुदको अभाव भएकोले छोड्ने जनाएका छन् । आधिकारिक रूपमा रुसी सैनिक प्रमुख ,रक्षा मन्त्री, र रुसका जनतालाई सम्बोधन गर्दै प्रिगोजिनले टेलिग्राम मार्फत विज्ञप्तिमा छोड्ने कुरा उल्लेख गरेका छन् ।

“म वाग्नर लडाकुहरूको तर्फबाट वाग्नर नेतृत्वको तर्फबाट घोषणा गर्दछु कि मे १० ,२०२३ मा, हामी बाख्मुतको बस्तीमा रक्षा मन्त्रालयको एकाइहरूमा स्थानान्तरण गर्न बाध्य छौं र वाग्नरको अवशेषहरू रसद शिविरहरूमा फिर्ता लिन बाध्य छौं। ” प्रिगोजिनले बिज्ञप्तिमा भने।

प्रिगोजिनको सेनाले बाख्मुत लगायत युक्रेनी भूभागमा रूसी आक्रमणमा प्रमुख भूमिका खेलेको छ।

उनले पहिले पटक क्रेमलिनबाट अपर्याप्त समर्थन प्राप्त गरेको गुनासो गरे । र आइतवारको एक अन्तर्वार्तामा द्वन्द्वग्रस्त पूर्वी शहरबाट आफ्ना भाडाका सैनिकहरूलाई फिर्ता गर्ने धम्की दिएका थिए ।

क्रेमलिनका प्रवक्ता डिमीट्री पेस्कोभले शुक्रबारको घोषणामा टिप्पणी गर्न अस्वीकार गरेका छन् ।