अमेरिकी राष्ट्रपति जो बाइडेनले मङ्गलबार राति वार्षिक स्टेट अफ द युनियन(दुवै सदन) भाषणमा रिपब्लिकनहरूलाई ३४.१ ट्रिलियन (खर्ब )ऋण सीमा बढाउन उत्साहजनक अपील गरेपछि तीव्र रूपमा विभाजित कांग्रेसमा एकताको लागि आह्वान गरे।

बाइडेनले अमेरिकी रोजगारी वृद्धि, आफ्नो पूर्वाधार कार्यक्रम, वरिष्ठ नागरिकहरूका लागि औषधिको मूल्य कटौती र घरेलु उत्पादनमा भएको वृद्धिलाई जोड दिए।

उनले कंग्रेसलाई वार्षिक सम्बोधनमा युक्रेन युद्ध, तेल निर्भरता र चीनसँग अमेरिकाको रणनीतिक प्रतिस्पर्धालाई पनि छोए । पूर्व राष्ट्रपति डोनाल्ड ट्रम्पको कार्यकालमा अमेरिकी राष्ट्रिय ऋणको २५% थपिएको कुरा औंल्याए ।

मंगलबार २०१९ पछि पहिलो पटक राष्ट्रपति र कांग्रेसका नेताहरूलाई कार्यक्रममा अतिथिहरू ल्याउन अनुमति दिइएको थियो, जुन सामान्यतया सभा र सिनेटका प्रत्येक सदस्यहरुले भाग लिन्छन । सर्वोच्च अदालतका नौ न्यायाधीशमध्ये पाँचजना राष्ट्रपतिको मन्त्रिपरिषद् र कूटनीतिक निकायका अधिकांश सदस्य उपस्थित थिए।

संगीतकार बोनो, टायर निकोल्सका आमाबाबु, अमेरिकाका लागि युक्रेनका राजदूत ओक्साना मार्कारोभा र लगायत केही उल्लेखनीय अतिथिहरुको उपस्थिति रहेको थियो ।

नोभेम्बरको मध्यावधि चुनावमा रिपब्लिकनहरूले अमेरिकी तल्लो सदन नियन्त्रण गरेपछि विभाजित कांग्रेस अगाडि बाइडेनले ऐतिहासिक भाषण गरेको यो पहिलो पटक हो ।