युक्रेनले आफ्नो पक्षमा लडेकी रुसी महिलालाई श्रद्धाञ्जली अर्पण गरेको छ ।

आफ्नो जन्मभूमिसँगको युद्धमा युक्रेनको पक्षमा लड्दा मारिएकी रुसी महिलाको सम्मानमा कीभमा सुरक्षाकर्मीहरुले आकाशमा ३ वटा बन्दुक पडकाई सलामी दिएका छन् ।

३४ वर्षीया ओल्गा सिमोनोभालाई गत शुक्रबार युक्रेनको राजधानीमा अन्त्येष्टिमा उनको साहस र करुणाको लागि सम्झना गरिएको छ ।

रुसले फेब्रुअरी २४ मा युक्रेनमा आफ्नो पूर्ण मात्रामा आक्रमण सुरु गर्नुभन्दा केही दिन अघि सिमोनोभाले डोनबास क्षेत्रमा एसोसिएटेड प्रेससँग कुरा गरेकी थिइन । जहाँ उनले रुसी समर्थित पृथकतावादीहरू विरुद्ध लडिरहेका युक्रेनी सैनिकहरूसँग वर्षौंसम्म सेवा गरेकी थिइन् ।

रुसी शहर चेल्याबिन्स्कमा जन्मेकी सिमोनोभालाई खेलकुदमा गहिरो रुचि थियो र उनी पर्वतारोहण र कराते दुवैमा उत्कृष्ट थिइन् । उनले रुसका लागि प्रतिस्पर्धा गर्न पाउँदा आफू सधैं गौरवान्वित भएको बताएकी थिइन् ।

उनी युक्रेनी पक्षको डोनबासमा द्वन्द्वमा संलग्न हुन युक्रेन गएकी थिइन्, पहिले स्वयम्सेवक लडाकुको रूपमा, त्यसपछि स्वास्थ्यकर्मी र अन्ततः सशस्त्र बलको सूचीबद्ध सदस्यको रूपमा प्रवेश गरेकी थिइन् ।

सिमोनोभा अविवाहित थिइन् । गत सेप्टेम्बर १३ मा उनको गाडीले बारुदी खानीमा ठोक्किए पछि उनको मृत्यु भएको थियो ।

उनीलाई एक सेनाको रूपमा मात्र होइन, तर एक व्यक्तिको रूपमा सम्मान गरिएको उनका पूर्व सेनापतिले बताए ।