चेतनाको सानो फिलिङ्गोले
अज्ञानताको घनिभूत जंगलमा,
आगो बालेर,
बाटो प्रसस्त गर्ने बाटो हेरिरहेको छ,
हिमाल ।
थाकेको पथिक भएको छ,
वर्तमान ।
ऊ विश्राम पछि जुर्मुराएर उठेको छ,
अब हिंडने तरखरमा ,
त्यो सानो फिलिङ्गोले बालेको प्रकाशले
बाटोको स्पस्ट रेखा कोरिदियो,
सजिलो भयो भन्छ,
वर्तमान् !
ऊ देख्छ,-
भ्रमको मचानबाट
उन्मादित मान्छेका सिकारीहरू
दुर्विनले परपर हेरेर मान्छे गन्दैछन्,
कोही कता ढले कोही कता ढल्छन् ।
फेरि देखा पर्छ फिलिङ्गो
यसपाली रावण र लङ्का दुवैको
एउटै नियति होला भन्छ,
तंग्रिएको वर्तमान् ,
र-
लमक लमक फिंलिड्गोले बालेको
प्रकाश पछ्याउदै,
चार भन्ज्याङ छिर्छ
गन्तव्य घपक्क बल्छ ,।
चेतना जीवन्त हुन्छ,
फिलिङ्गो अगाडि बढछ,
एउटा नयाँ रावण र
उसको लङ्काको खोजीमा !

८/१०/२२
राजमित्र प्रांगण,
माल्डेन,बोस्टन
अमेरिका