भर्जिनियामा बच्चालाई गाडीमा छोड्दा बच्चाको मृत्यु ,केही घण्टा पछि बाबुले आत्महत्या गरे

अमेरिकाको भर्जिनियामा बच्चालाई गाडीमा छोड्दा बच्चाको मृत्यु भएको केही घण्टा पछि बाबुले आत्महत्या गरेको प्रहरीले बताए । आत्महत्या गर्ने बुवाले आफ्नो निजि गाडी (कार)मा छोडेर गएको केही घण्टामा प्रहरीले उनका पिताले आत्महत्या गरेको खबर प्राप्त गरेका थिए ।

गत मंगलबार भर्जिनियाको चेस्टरफिल्ड काउन्टी प्रहरीले मंगलबार बिहान ११:३० बजे अमेरिकी पूर्वीय समय अनुसार एक १८ महिनाको बालकलाई धेरै घण्टासम्म गाडीमा छोडिएको अवस्थामा प्रहरीलाई खबर प्राप्त भएको विभागले एक विज्ञप्तिमा जनाएको छ ।

त्यसपछि प्रहरीले थप बच्चाको बुबा भर्जिनिया मिडलोथियनमा रहेको उनको निवासमा “आत्महत्याको बयान” दिई कागज छोडेको बताए ।

प्रहरीहरु घर भित्र बच्चाको शव फेला पारे  । वयस्क पुरुषलाई घरको पछाडिको जङ्गलमा आफैले बन्दुकको गोली हानेर मृत अवस्थामा फेला परेको विज्ञप्तिमा भनिएको छ।

“बुवाले संयोगवश बच्चालाई धेरै घण्टासम्म गाडीमा छोडेर गएको” अनुसन्धानले देखाएको छ भनि सिएनएनले समाचार लेखेको छ ।

“जब बुबाले गाडीमा बालकको मृत्यु भएको थाहा पाए, उनी घर फर्किए र बच्चालाई घरभित्र लगे। त्यसपछि उनी घरबाट निस्किए र आफैलाई गोली हाने,” विज्ञप्तिमा भनिएको छ।

प्रहरीले शिशुको मृत्युको कारण जानकारी दिएको छैन  तर रिचमन्डबाट करिब २० माईल पश्चिममा रहेको मिडलोथियनमा मंगलबार ८१ डिग्री फरेनहाइटको उच्च तापक्रम थियो।